Արխիվ Ապրիլի 2018 - ՍՈՑԻԱԼԻԶՄ.am
Չորեքշաբթի, 25 Ապրիլի 2018 14:49

Հայտարարություն

  Հայաստանի առաջադիմական միացյալ կոմունիստական կուսակցությունն իր խորը մտահոգությունն է հայտնում Հանրապետությունում շարունակվող զանգվածային ցույցերի ու երթերի կապակցությամբ:

   Հանրային դժգոհության զանգվածային այս դրսևորումները արդյունք են հասարակության մեջ տարիների ընթացքում կուտակված  սոցիալ-տնտեսական խնդիրների ոչ արդյունավետ և արդարացի լուծման:

  Հանրային կյանքի բնականոն ընթացքը խաթարող այս գործողությունները հղի են անկանխատեսելի հետևանքներով:

   Մենք ականատես ենք եղել հետխորհրդային երկրներում “գունավոր” հեղափոխություների` Վրաստանում և  Ուկրաինայում, որոնց արդյունքում առկա են եղել տարածքային կորուստներ, տնտեսական վիճակի վատթարացում և այլ բացասական դրսևորումներ:

   Կոչ ենք անում մեր ժողովրդին, որ այս ճակատագրական պահին, երբ մեր տարածաշրջանում առկա են գերտերությունների ռազմավարական շահեր, որոնց զարգացումները կարող են ունենալ բացասական անդրադարձ մեր երկրի վրա, չգնալ հերթական փորձության ճանապարհով, նկատի ունենալով նաև Արցախի հարցի կարգավորման խնդիրը և հարևան պետությունների` մեր նկատմամբ  ունեցած նկրտումները:

  Առաջարկում ենք  ՀՀ իշխանություններին ու ցուցարարների կազմակերպիչներին` ՀՀ Սահմանադրության շրջանակներում, անհապաղ, առանց նախապայմանների սկսել երկխոսություն,, բանակցային սեղանին դնել Հայաստանի զարգացման ծրագիրը, որում ներառել նոր մոտեցումներ` սոցիալ-տնտեսական քաղաքականության մեջ, մեծացնել պետության դերակատարությունն ու պատասխանատվությունը երկրի տնտեսական զարգացման գործում:

   Առաջարկում ենք ՀՀ նախագահին` ստեղծել քաղաքական խորհրդատվական մարմին, որի մեջ ընդգրկել խորհրդարանական և արտախորհրդարանական կուսակցությունների ներկայացուցիչներին` քննարկելու ժողովրդին հուզող հարցերը և դրանով իսկ ձևավորելու Հանրապետության հանրային օրակարգը:

       Ստեղծված իրավիճակը թելադրում է ձևավորել քաղաքացիական  համերաշխության և ազգային վստահության կառավարություն:   

Հայատանի աառաջադիմական միացյալ կոմկուս

ԵՐԵՎԱՆ, 24 ԱՊՐԻԼԻ: Կրեմլը գոհունակությամբ Է նշում, որ Հայաստանում իրադրությունը չի գնում ապակայունացման ճանապարհով, ակնկալում Է կայունության պահպանումը եւ քաղաքական կոնսենսուսի ձեռքբերումը: Այս մասին տեղեկացնում Է «Արմենպրես»-ը՝ վկայակոչելով ՏԱՍՍ-ը:

«Առայժմ մենք տեսնում ենք, որ իրադրությունը բնավ չի ընթանում ապակայունացման ճանապարհով, ինչը գոհացնող Է»,-լրագրողներին հայտարարել Է ՌԴ նախագահի մամուլի քարտուղար Դմիտրի Պեսկովը: Նա ընդգծել Է. «Այն ամենը, ինչ տեղի Է ունենում Երեւանում, մեր հայ բարեկամների, գործընկերների ու դաշնակիցների ներքին գործն Է: Այն շատ թանկ գործընկեր Է մեզ համար, որի հետ մենք շատ լայն կապեր ունենք ե՛ւ տնտեսության, ե՛ւ մշակույթի բնագավառում եւ այլն, եւ այլն»:

«Մենք հուսով ենք, որ երկրում կպահպանվի կարգուկանոնը, կայունությունը եւ որ ամենամոտ ժամանակներս, արդեն տեսանելի հեռանկարում ի հայտ կգան քաղաքական այն կոնֆիգուրացիայի ուրվագծերը, որը կդառնա բոլոր այն ուժերի կոնսենսուսը, որոնք ներկայացնում են հայ ժողովուրդը»,-նշել Է Կրեմլի ներկայացուցիչը: Դրա հետ մեկտեղ Պեսկովն ասել Է, որ Հայաստանում եւ Ուկրաինայում տեղի ունեցած իրադարձություները համեմատելն անտեղի Է: «Ես զուգահեռներ չԷի անցկացնի, որովհետեւ իրադրությունը միանգամայն տարբեր Է, եւ հազիվ թե այստեղ կարելի Է ուղղակի զուգահեռներ անցկացնել»,-ասել Է Կրեմլի ներկայացուցիչը լրագրողներին: Նրա խոսքով՝ «իհարկե, դեռ պետք Է վերլուծել այդ իրադրությունը (Հայաստանում), մենք շատ ուշադիր հետեւում ենք դրան»: «Այժմ ես կարող եմ ասել, որ Ուկրաինայի հետ ինչ-ինչ ասոցիացիաներ անցկացնելն այստեղ անտեղի Է»,-ընդգծել Է Պեսկովը:

Կրեմլի ներկայացուցիչը նաեւ հայտնել Է, որ Ռուսաստանի նախագահ Վլադիմիր Պուտինն առայժմ հեռախոսազրույցներ չի ունեցել ո՛չ Հայաստանի պաշտոնաթող վարչապետ Սերժ Սարգսյանի, ո՛չ Էլ հանրապետության կառավարության ղեկավարի պաշտոնակատար Կարեն Կարապետյանի հետ: «Ո՛չ, նախագահը դեռեւս շփումներ չի ունեցել Սարգսյանի կամ Կարապետյանի հետ»,-ասել Է Պեսկովը եւ հիշեցրել, որ ապրիլի 23-ի երեկոյան հեռախոսազրույց Է կայացել ՌԴ վարչապետ Դմիտրի Մեդվեդեւի եւ Կարեն Կարապետյանի միջեւ:

 

Աղբյուրը՝ ԱՐՄԵՆՊՐԵՍ լրատվական

Երկուշաբթի, 23 Ապրիլի 2018 17:29

Սերժ Սարգսյանը հրաժարական տվեց

Ես թողնում եմ վարչապետի պաշտոնը: Այս մասին հայտարարություն է տարածել ՀՀ վարչապետ Սերժ Սարգսյանը:

Հայտարարությունում ասվում է.

«Սիրելի՛ հայրենակիցներ,

Դիմում եմ Հայաստանի Հանրապետության բոլոր քաղաքացիներին,

մեծերին ու իմ սիրելի երիտասարդներին,

կանանց ու տղամարդկանց,

դիմում եմ փողոցներում «Մերժիր Սերժին» կոչով օր ու գիշեր կանգնածներին և փակ փողոցներով այս օրերին դժվարությամբ աշխատավայր հասնող և իրենց պարտքն անտրտում իրականացողներին,

դիմում եմ ուղիղ եթերի առաջ օրերով գամվածներին և օր ու գիշեր հասարակական անվտանգությունը տղամարդու պես ապահովողներին,

դիմում եմ սահմանին կանգնած մեր քաջարի զինվորներին ու սպաներին, դիմում եմ իմ զինակից ընկերներին,

դիմում եմ իմ կուսակից ընկերներին, քաղաքական բոլոր ուժերին և գործիչներին։

Որպես երկրի ղեկավար դիմում եմ վերջին անգամ։

Նիկոլ Փաշինյանը ճիշտ էր։ Ես սխալվեցի։ Ստեղծված իրավիճակն ունի մի քանի լուծում, բայց դրանցից ոչ մեկին ես չեմ գնա։ Դա իմը չէ։ Ես թողնում եմ երկրի ղեկավարի, Հայաստանի վարչապետի պաշտոնը։

Փողոցի շարժումն իմ պաշտոնավարման դեմ է։ Ես կատարում եմ ձեր պահանջը»:

Խաղաղություն, ներդաշնակություն և տրամաբանություն մեր երկրին:

Շնորհակալ եմ»:

 

Բաժին՝ Հայաստանում

ԵՐԵՎԱՆ, 23 ԱՊՐԻԼԻ,  Երևանի տարբեր հատվածներում ապրիլի 23-ին շարունակվում են Ազգային ժողովի պատգամավոր Նիկոլ Փաշինյանի՝ ապրիլի 13-ից  նախաձեռնած ակցիաները: «Արմենպրես»-ի հաղորդմամբ` հավաքի մասնակիցները փակել են երթևեկությունը Ռուբինյանց, Նալբանդյան-Սայաթ-Նովա, Սարյան փողոցներով, Մաշտոցի պողոտայի Փակ շուկայի հատվածը, Հաղթանակի կամուրջը: Երթերում ներգրավված են նաև ուսանողներ:

«Վաղ առավոտյան Երևանի պետական համալսարանի բակում են հավաքվել մի խումբ ուսանողներ Հայաստանի պետական տնտեսագիտական, Մ. Հերացու անվան բժշկական և Երևանի պետական համալսարաններից: Նրանք հանդես են եկել տարբեր վանկարկումներով և շարժվել անհայտ ուղղությամբ»,-«Արմենպրես»-ի թղթակցի հետ զրույցում նշեց ԵՊՀ հասարակայնության հետ կապերի և լրատվության վարչության պետ Գևորգ Էմին-Տերյանը: Նրա խոսքով` նախորդ շաբաթ ԵՊՀ-ում իրականացվող դասապրոցեսին մասնակցել է ուսանողների 20/30 տոկոսը:

Մ. Հերացու անվան բժշկական համալսարանի լրատվական բաժնից մեզ տեղեկացրին, որ որոշ ուսանողներ դասադուլ են հայտարարել և չեն մասնակցում դասապրոցեսին: Բժշկական համալսարանի ուսանողները բժշկական սպիտակ համազգեստով քայլերթ են անցկացրել:

Ոստիկանական ծառայողները փակել են Բաղրամյան պողոտայի՝ Պռոշյան-Դեմիրճյան հատվածը:

Ազգային ժողովի պատգամավոր Նիկոլ Փաշինյանն ապրիլի 13-ից Երևանում ակցիաներ է կազմակերպում՝ դրանք անվանելով քաղաքացիական անհնազանդության խաղաղ ակցիաներ:

 Յուրաքանչյուր օր մարդիկ դուրս են գալիս փողոց, փորձում դադարեցնել երթևեկությունը, շարժվում երթերով: Ապրիլի 22-ին Փաշինյանը ձերբակալվել է ՀՀ ՀՔԾ քննիչի վարույթում քննվող քրեական գործի շրջանակներում հանցագործության կատարումը կանխելու նպատակով Օրենքով սահմանված կարգի խախտմամբ հավաք դիտավորությամբ կազմակերպելու և անցկացնելու անմիջականորեն ծագած կասկածանքով, ՀՀ Սահմանադրության 96-րդ հոդվածի 2-րդ մասի պահանջների պահպանմամբ:

 

Աղբյուրը՝  ԱՐՄԵՆՊՐԵՍ լրատվական 

Սոցիալական բարեփոխումների ցույցերը դառնում են ավելի բորբոք: Ուրբաթ օրը ցուցարարները այրել են Լեոնում գործող Ազգային համալսարանի մասնաճյուղը: Նիկարագուայի նախագահ Դանիել Օրտեգան երկխոսության կոչ է արել եւ դատապարտել ընդդիմության կողմից «ապակայունացման փորձերը», արդեն սպանվել է առնվազն 10 մարդ, սոցիալական բարեփոխումների բռնարարքների պատճառով:
 
Ոստիկանության եւ զինված ուժերի անդամների կողմից,  իր ազգային ուղերձում Նախագահ Օրդեգան քննադատեց ընդդիմադիր աջակողմյան խմբերին, իր կառավարության դեմ «կողմնորոշվելու» համար «ԱՄՆ-ի առավել ծայրահեղ քաղաքական խմբավորումների» աջակցությամբ:
 

  

Բաժին՝ Աշխարհում

Ընդդիմությունը շարունակում է փողոցային պայքարը, իշխանությունը որդեգրել է չտեսնելու, չնկատելու, չարձագանքելու քաղաքականությունը, և ցուցարարները մնացել են ոստիկանների «հույսին»: Վերջիններս երկու տասնյակից ավելի հայտարարություններ են տարածել արդեն, սակայն իրավիճակը շարունակում է մնալ նույնը՝ ցուցարարները համոզում են ոստիկաններին իրենց միանալ ու զենքը վայր դնել, ոստիկաններն էլ պարբերաբար հայտարարում են, որ հավաքը պետք է ցրել: Առայժմ ո՛չ մեկը, ո՛չ մյուսը գործնական քայլերի չեն դիմում: Ներքաղաքական լարվածության շուրջ զրուցում ենք ՀԴԿ նախագահ ԱՐԱՄ ՍԱՐԳՍՅԱՆԻ հետ:

 

-Սերժ Սարգսյանն ընտրվեց վարչապետ, ընդդիմությանը չհաջողվեց կասեցնել այդ գործընթացը, բայց շարունակվում են բողոքի ակցիաները, փողոցներ են փակվում, պետական կառույցներ են շրջափակվում: Այս քաղտեխնոլոգիաներով մինչև ու՞ր կարող է հասնել հասարակական ընդվզումը:
-Այն, ինչ անում է այսօրվա ընդդիմությունը, քաղաքական պայքարի ձևերից մեկն է: Որքան է դա արդյունավետ, այլ հարց է: Կլինի շատ ավելի արդյունավետ, եթե շատ մեծ զանգված միանա դրան, և կաթվածահարվի ողջ պետական ապարատի աշխատանքը: Այս պահի դրությամբ այս գործընթացն այնքան էլ արդյունավետ չի ընթանում: Սակայն ցուցարարների խնդիրը միայն այն չէր, որ Սերժ Սարգսյանի երրորդ ժամկետով պաշտոնավարումը թույլ չտան, այլ այն իրավիճակը, որ կա երկրում: Կան բողոքի բազմաթիվ պատճառներ, որոնք ստիպում են ժողովրդին անընդհատ ըմբոստանալ: Շատ հետաքրքիր հակասություն կա. ժողովուրդը դեռ հույս ունի, որ իշխանությունն իրեն կլսի ու կանի իր ուզածը, այսինքն` կուղղվի: ՈՒզում են դաստիարակել այս իշխանություններին, ինչն անհույս բան է: Մեր երկրում խնդիրները չեն լուծվել մի պարզ պատճառով. իշխանությունը կառչել է այն համակարգից, որը ստեղծվել է 27 տարում, ինչն անընդհատ կորուստների է բերում: Այսպիսի տրամաբանությամբ իշխանությունը չի կարող բարիք ստեղծել: Ասել է՝ ժողովրդի հաշվին մի խումբ մարդիկ հարստանում են, իսկ ժողովրդի զգալի հատվածը, որը գողանալու, կոռուպցիայով զբաղվելու հակում չունի, ստիպված տարբեր հնարքների է դիմում գոյատևելու համար: Իշխանությունն ասում է, թե ավտոմեքենաների թիվն ավելացել է: Գաղտնիքն այն է, որ մարդիկ ներմուծում են 20-25 տարվա մեքենաներ, այստեղ տեսքի բերում, ու վաճառում երրորդ երկրի: Մարդիկ բիզնեսի նոր ճանապարհ են գտել: Բայց մեկը չի հարցնում` ինչու՞ եք թույլ տալիս, որ այդքան հին մեքենա մտնի մեր երկիր: Աշխարհի շատ պետություններում 10 տարի շահագործված մեքենաներ չեն թողնում ներմուծել, իսկ այստեղ 20-25 տարվա մեքենաներ են ներմուծվում: Բայց սա ժողովրդի հնարքն է, որպեսզի կարողանա գոյատևել: Երբ իշխանությունները չեն կարողանում ինքնաքննադատաբար մոտենալ հարցերին ու անընդհատ ինքնագոհ հայտարարություններ են անում, սա ժողովրդի մեջ առաջացնում է ալերգիկ արձագանք: Ինչպե՞ս կարելի է ամեն անգամ ասել բաներ, որոնք իրականությանը չեն համապատասխանում: Զորօրինակ, ԱԺ ամբիոնից հայտարարվեց, թե մեզ մոտ ՀՆԱ-ն աճել է: Կա պաշտոնական ուսումնասիրություն շուրջ 100 երկրի, որտեղ նշված է, թե որքան է մեկ շնչին բաժին հասնող ՀՆԱ-ն: Սկսվում է 43 հազարից մինչև 2 հազար 200-ից պակաս մեկ շնչին բաժին հասնող ՀՆԱ ունեցող երկրների շարքը: Այդ ցանկում ընդգրկված են և՛ Աֆրիկան, և՛ Եվրոպան, և՛ ԱՄՆ-ը, և՛ հետխորհրդային երկրները, բայց Հայաստանը դրանց մեջ չկա: Իսկ եթե հավատանք այն թվին, որ ներկայացվեց խորհրդարանում՝ 3 հազար 380 դոլար մեկ շնչին, ուրեմն պետք է լինեինք այն սանդղակում, որտեղ են Մավրիտանիան, Սենեգալը, Բանգլադեշը, Ղրղզստանը, Տանզանիան: Այսքանից հետո հարց պետք է տալ` երբ պաշտոնապես հայտարարում եք, որ 30 տոկոս աղքատության մակարդակ կա, չե՞ք մտածում այդ շուրջ 1 մլն մարդու մասին, ինչպե՞ս եք այդպիսի ինքնագոհ հայտարարություններ անում:
-Պարոն Սարգսյան, այսօրվա շարժման ամենամեծ առանձնահատկությունը բազմաթիվ երիտասարդների առկայությունն է: Ինչու՞ են նրանք դուրս եկել փողոց:
-Խելացի երիտասարդը, որ կարողանում է իր ուժերով սովորել և գնահատական ստանալ, տեսնում է, որ իր կողքին նստած է մեկը, «Համերով» գալիս է, գումարով գնահատական ստանում, ու որևէ մեկը չի էլ ասում, թե դու գիտելիք չունես: Իսկ ինքն անգամ տրոլեյբուսի գումար հազիվ է հայթայթում. սա չի կարող նրան չընկճել: Իշխանությունները չեն հասկացել այս նոր գեներացիան: Այդ երիտասարդները ոչ խորհրդային տարիներն են տեսել, ոչ էլ 90-ականները, 2008-ն էլ նրանց համար պատմություն է, քանի որ տասը տարեկան են եղել: Հիմա համացանցի դար է, ինֆորմացիայի բոլոր հնարավորությունները կան, տեսնում են՝ ով ինչ հնարավորություններ ունի ու ինչպես է դրանք դրսևորում: Հեռանկար այստեղ չեն տեսնում, ավելին, հասկանում են, որ իրենց երկրում անհավասար պայմաններում են: Ոչ միայն ուսանողներն են փողոց դուրս եկել, այլև դպրոցականները, որովհետև իրենց ապագան այստեղ չեն տեսնում: Այսօրվա երիտասարդը ազատ է այն կապանքներից, որոնք նախկինում նրան ստիպում էին հլու-հնազանդ նստել ու սպասել: Չկան այդ կապանքները, դրա համար էլ ոտքի են կանգնել:
-Վերջին շրջանում հատկապես ընդդիմադիր գործիչները շատ էին պնդում, թե ժողովուրդն ապատիայի, թմբիրի մեջ է, դժվար է ոտքի հանել: Ինչպե՞ս ստացվեց, որ այսքան մարդ փողոց դուրս եկավ:
-Իհարկե, թմբիրի մեջ էր, որին նպաստեցին 2015-ի սահմանադրական բարեփոխումների կեղծ գործընթացն ու 2017-ի խորհրդարանական ընտրությունները։ Մենք այդ ընտրությունը համարեցինք 10-հազարանոցների ընտրություն։ Իսկ հիմա ասում են, թե միջազգային կառույցները ճանաչել են այդ ընտրությունները։ Անշուշտ, այս անգամ այնպիսի տեխնոլոգիաներ էին հորինել, որ միջազգային կառույցներն անգամ գլուխ չհանեցին։ Կատարվել էր այն, որ հստակ ցուցակներ կային, և շատ լավ գիտեին, թե 10000 դրամն ինչ դեր է խաղալու։ Բայց քանի որ այդ մարդիկ խիղճ ունեն, գումարը վերցնելուց հետո ընտրել են նրանց։ Չեմ ցանկանում որևէ մեկին վիրավորել, բայց այսօր խորհրդարանում ձևավորվել է անլեզու պատգամավորների խումբ, այսինքն` մարդիկ, որոնց ոչ ոք չի ճանաչում։ Այդ ինչպե՞ս պատահեց, որ այդ պատգամավորները ստացան 30-40 հազար ձայն։ Մարդիկ ինչպե՞ս ճանաչեցին նրանց, նույնիսկ հանդիպում չարեցին, ելույթ չունեցան, որ մարդկանց ցույց տան, ով են, ինչ են իրենցից ներկայացնում։ Այսինքն, այդ 10000 դրամներով ապահովեցիք ձեր 700 հազար ձայների առնվազն կեսը, մնացածը վարչական ռեսուրսն էր, կերակրամանից օգտվողները։ Չկար գաղափարական պայքար, այլընտրանքային ծրագրերի մրցույթ, ու վերջապես, չկար ընտրություն։ Այ, սրա մասին պետք է խոսվի։ Սրանք են նաև այն պատճառները, որ այսօր ժողովրդին փողոց են դուրս բերել։ ՈՒղիղ մեկ տարի մարդը նվաստացած նստած էր տանը, քանի որ իրեն մեղավոր էր զգում այդ 10000 դրամը վերցնելու համար։ Հիմա փորձեցին նրանց այդ վիճակից դուրս բերել, ու ստացվեց։ Ամենաշատն ինձ վրդովեցնում է նաև այն, որ ՀՀԿ-ում էլ կան ճանապարհ անցած, փորձառու, գրագետ մարդիկ, որոնք այս համակարգի գերին են։ Նրանք սպասարկում են ուրիշների անձնական շահերը։ Հենց այդ մարդիկ պետք է հասկանան, որ մենք օր օրի պակասում ենք, մարդկային որակը ևս գնալով ընկնում է։ Այն մարտահրավերները, որոնք այսօր կան, շատ վտանգավոր են։ Մենք նստած ենք վտանգավոր հրաբխի վրա։ Այս ճանապարհով գնալը ինքնասպանություն է, որովհետև հարևանդ մարդկային ռեսուրսներով, ֆինանսապես գերազանցում է քեզ, չունի պետական պարտքի այն չափը, որը մենք ունենք (մեր 7 մլրդ դոլար պետական պարտքի մասին ոչ ոք չխոսեց խորհրդարանում)։ Այս ճանապարհով ու՞ր ենք գնում, չեք ուզում որևէ մեկի պոչը տրորել։ Երբ ճգնաժամեր են լինում, ինչու՞ մեր երկրի հարուստները չեն աղքատանում։ Ինչպե՞ս է ստացվում, որ հենց այդ օրերին նրանք բարեգործություններ են անում, թող տանեն բյուջեի հարկերը վճարեն։
-Եթե այսօրվա շարժման առաջնորդների լեզվով չձևակերպենք բողոքի նպատակը, կարելի՞ է ասել, որ մարդկանց փողոց են դուրս բերել սոցիալական անարդարությունը, ծանր տնտեսական իրավիճակն ու բազում խնդիրների առկայությունը։
-Նրանք «Մերժիր Սերժին» կարգախոսն են ընտրել, բայց դրանով խնդիր չի լուծվում։ Այս համակարգով գնում ենք միայն մեկ ճանապարհով` դեպի անդունդ։ Չի կարող օլիգարխիկ համակարգը թույլ տալ, որ երկիրը զարգանա։ 
-Ո՞րն է այդ համակարգը փոխելու և նոր իշխանություն ձևավորելու ճանապարհը։
-Հայաստանյան ընդդիմությունը բողոքի ալիք է բարձրացրել հետընտրական և նախընտրական շրջանում։ Մի հարցում հանրապետականները ճիշտ են. եթե այս ընդդիմությունն ընդունել է սահմանադրական բարեփոխումների հանրաքվեն և խորհրդարանական ընտրությունների արդյունքները, այսօր խոսելու տեղ չունի։ Բայց ընդդիմությունն էլ կարող է հակադարձել, որ իշխանություններն էլ բազմաթիվ խոստումներ էին տվել, ինչու՞ չեն կատարել։ Հիմա, երբ դուք չեք կատարել ձեր խոստումները, պարզ է, որ ժողովուրդը դուրս կգա փողոց ու կպահանջի փոփոխություններ։ Դրա անունը կլինի թավշյա հեղափոխություն, թե «Իմ քայլը», այդքան էլ էական չէ։ Այսօրվա վիճակում նաև շատ կարևոր է, թե ինչպես է արձագանքում իշխանությունը բողոքի ցույցերին։ Պետք է էլի՞ ասեն, թե մի քանի հազար մարդ է դուրս եկել փողոց։ Պետք է մե՞կ միլիոն մարդ դուրս գա փողոց, որ ձեզ ջնջի, անցնի, դա՞ եք ուզում, դրա՞ն են տանում ձեր քայլերը։ Կամ ինչպե՞ս կարելի է ասել, թե ժողովրդի անունից կարող է միայն խորհրդարանական մեծամասնությունը խոսել։ ՈՒզում եմ հավատալ, որ սա լեզվի սայթաքում է։ Եթե անգամ դու մեծամասնություն ես, ձեր հաշվարկով 1 մլն 600 հազար մարդ էլ ձեզ ձայն չի տվել, նրա՞նք ովքեր են։ Ձեր կողմնակիցը չեն եղել, հետո՞ ինչ, որ այսօր դուք եք մեծամասնություն։ Եթե մենք 10 կամ 30 հազար մարդու ձայն ենք ներկայացնում, դրանք մեր ժողովուրդը չե՞ն։
-Այսօր երկու կողմն էլ կարծես չեն ուզում միմյանց ընդառաջ գնալ։ Ցուցարարները պահանջում են Սերժ Սարգսյանի հեռացումը, իսկ իշխանությունները երկխոսության չեն գնում։ Ո՞րն է իրավիճակի հանգուցալուծումը։ 
-Քաղաքական գործընթացում կան պարզ ճշմարտություններ. եթե դուրս ես եկել քաղաքական պայքարի, պետք է ունենաս քաղաքական օրակարգ։ Ի՞նչ է նշանակում իշխանափոխություն, ո՞վ պետք է որոշի, ինչպես ենք մեկին մյուսով փոխարինում։ Սրա լավագույն ձևը ընտրություններն են։ Այլ հարց է, թե ինչպես անել, որ հաջորդ ընտրությունը լինի իսկական, դասական ընտրություն, երբ ժողովուրդն ընտրություն կանի ծրագրերի միջև։ Սա քաղաքական օրակարգ է։ Կա ևս մեկ տրամաբանություն. հասարակական ընդվզման այնպիսի ալիք ես բարձրացնում, ներկայացնում քո քաղաքական պահանջները ու պարտադրում իշխանություններին, որ դրանք իրականացնեն։ Ժողովրդի քանակը, որակն այնքան բարձր մակարդակի վրա են, որ իշխանությունն իրոք պարտադրված է գնալու այդ ճանապարհով։ Այս ամբողջի մեջ պետք է լինի նաև քաղաքական ուժերի համաձայնություն։ 
-Ի դեպ, այս շարժումը տարբերվում է նախորդներից նաև այն բանով, որ առաջին ջութակի դերը ստանձնել է միայն Նիկոլ Փաշինյանը, չկան հանրությանը ծանոթ ընդդիմադիր գործիչներ, ինչու՞։
-Նախ` պետք է ասել, որ Փաշինյանի արժանիքն է, որ շարժման սկիզբն ինքն է դրել, նրա հետ անգամ համաձայն չէին իր գործընկերները։ Հիմա հասել է որոշակի արդյունքի, երբ բազմահազարանոց հանրահավաքներ է անցկացնում։ Ոմանք գնացին, քայլեցին, բայց Նիկոլ Փաշինյանն այլևս նրանց կարիքը ինչ-ինչ պատճառներով չունի։ Նա նոր գեներացիա է ուզում։
-Փաշինյանը հայտարարեց նաև, թե հեղափոխական կոմիտեներում լինելու են իր կողքով քայլող երիտասարդները, ոչ մի խոսք չեղավ ընդդիմադիր գործիչների մասին։ 
-Այո, որովհետև ինքը տեսնում է, որ այդ երիտասարդներն են իր կողմից կառավարվող ուժերը։ Չի ցանկանում հին դեմքերին տեսնել իր շուրջը։ Մեր փորձը ցույց է տալիս, որ երբ գաղափարական տարբեր հոսանքների տեր ուժեր են միավորվում, դա դառնում է ժամանակավոր դաշինք։ Օրինակ, մենք` որպես սոցիալ դեմոկրատներ, չէինք կարող նեոլիբերալների հետ մեկ ճամբարում լինել, եթե մեզ չպարտադրեր այն ճղճիմ վիճակը, որ երկրում առկա էր։ «Արդարություն» դաշինքի օրինակով պետք է ասեմ, որ մենք միասնական էինք ընդամենը այդ չորս տարվա ընթացքում։ Նիկոլ Փաշինյանը ձևավորում է միատարր, միաբևեռ շարժում, որտեղ սկզբունքների, գաղափարների տարբերություն առայժմ չկա։ Սա քաղաքական տեխնոլոգիա է, որի արդյունքը դժվար է այսօր կանխորոշել։ Փորձը ցույց է տալիս, որ բազմահազարանոց հանրահավաքները ևս իրավիճակ չեն կարող փոխել, եթե իշխանությունը փոփոխություններին ընդառաջ չգնա։ 
-Սերժ Սարգսյանը, արձագանքելով հասարակական ընդվզմանը, հայտարարեց, թե իրենց համար առաջնային են մարդու իրավունքները, ժողովրդավարությունը, բայց Երևանում խցանումներ առաջացնելը չի կարող համաչափ լինել։ 
-Գուցե համաչափ չէ, բայց պետության ղեկավարը խնդրին պետք է մոտենա այլ կողմից. ինչու՞ է ժողովուրդը դժգոհ իշխանությունից։ Եթե այդ հարցն իրենք իրենց չեն տալիս, ուրեմն չեն կարող երկիր կառավարել կամ կառավարում են այսպես։ Երբ իշխանության համար փողը դարձել է ինքնանպատակ, և դրանով է չափվում մարդու ով լինելը, վերանում են բոլոր հոգևոր արժեքները։
-Որքա՞ն է հավանականությունը, որ իրավիճակը կհանգուցալուծվի բախումներով և ուժի կիրառմամբ։ 
-Փաշինյանը ճիշտ դիրքորոշում է ընտրել, որ թույլ չի տալիս որևէ կոշտ մեթոդ ոստիկանների հետ։ Բայց եթե այսպես երկար շարունակվի, ժողովուրդն իր կողմից, իշխանությունն էլ իր կողմից կլարվի, իսկ թե ծնված կայծից ինչ կբորբոքվի, դժվար է ասել։ Բայց էական մի բան կա. իշխանությունը միշտ պետք է հիշի` մեր հարևանները երազում են, որ մեր երկրում ֆորսմաժորային վիճակ ստեղծվի, և անմիջապես գործի անցնեն։ Ժողովուրդն ամեն ինչում ճիշտ է, նրան չպետք է մեղադրել, այս ամենի հասցեատերը իշխանությունն է, որը պետք է շատ արագ խնդիրները լուծի։ Պարզ խոսեք ժողովրդի հետ և նրանց անհանգստությունները փարատեք։ Չցանկանալով դրսի մարտահրավերների վրա շատ ծանրանալ, միայն հիշեցնեմ Նախիջևանում տիրող իրավիճակը։ Թուրքիան շատ հեշտությամբ «մարսեց» Աֆրինը, ո՞վ նրան ասաց` չոռ։ Այստեղ կարող են այնպիսի շահեր բախվել, որ մենք կկորչենք-կգնանք։ Այսօրվա ներքաղաքական իրավիճակն իշխանությունների համար նախազգուշացում է, նրանք պարտադիր պետք է փոխեն իրենց մտածելակերպը, մոռանան փողի մասին ու զբաղվեն երկրի խնդիրներով, ինչը մինչ այսօր չեն արել։ Մնացածը սին խոսակցություններ են։

 

Զրույցը` 
Ռուզան ԽԱՉԱՏՐՅԱՆԻ

Աղբյուրը՝ irates.am

Նկարում պատկերված են այն երկրների անուններն ու դրոշները, որոնք "Լիմայի" նստաշրջանում դատապարտեցին Ամերիկայի օդուժի հարձակումը Սիրիայի վրա:

Բաժին՝ Աշխարհում

Ռուս-ամերիկյան հակասությունները կարող են վերաճել Սիրիայի տարածքում ռազմական բախման: ԱՄՆ նախագահ Դոնալդ Թրամփը ո՛չ ավել, ո՛չ պակաս հայտարարել է, որ Միացյալ Նահանգները պատրաստվում է հարվածել Սիրիային` այսպես ասած, «խելացի» հրթիռներով: Իսկ Ռուսաստանի Դաշնությունը  զգուշացնում է, որ կոչնչացնի Սիրիայի վրա ընկնող ամերիկյան հրթիռները ու կհարվածի դրանք արձակող կայանները: Ավելին` ՌԴ փոխվարչապետ Դմիտրի Ռագոզինը հիշեցրել է. ««Խելացի» հրթիռներ միայն մենք ունենք: Մենք ունենք նաեւ ՀՕՊ լավագույն համակարգերը»: Գերպայթյունավտանգ այս իրավիճակի մասին էլ «Իրավունքը» զրուցեց Եվրոպա-ասիական հետազոտությունների կենտրոնի տնօրեն, ռուս քաղաքագետ ԱՆԴՐԵՅ ՌՈՒՍԱԿՈՎԻ հետ, որն այս օրերին գտնվում է Երեւանում:

«ՍԻՐԻԱՅՈՒՄ ԻՐԱՎԻՃԱԿԸ ԾԱՆՐ Է»

– Պարոն Ռուսակով, այս իրավիճակում, երբ սիրիական հարցում Միացյալ Նահանգներն ու Ռուսաստանը միմյանց սպառնալիքներ են «շռայլում», ի՞նչ է սպասվում Սիրիայում եւ առհասարակ` տարածաշրջանում:

– Մերձավոր Արեւելքում, իսկապես, բարդ իրավիճակ է ստեղծվել, որում ներքաշված են շատ երկրներ, որոնց հետաքրքրությունները տարբեր են: Բայց ամենացավալին, իհարկե, Սիրիայի պես երկրի համար է, որը քայքայվում է: Դուք այնտեղ հայկական մեծ համայնք ունեք եւ լավ եք հասկանում այն, ինչ նկատի ունեմ: Ճիշտ է, այնտեղ եղան դրական գործողություններ, որով «Իսլամական պետություն» ահաբեկչական խմբավորման «մետաստազները» որոշ առումով չեզոքացվեցին, բայց, միեւնույնն է, այսօր իրավիճակը ծանր է: Ինչպե՞ս կարող է խնդիրը կարգավորվել, պետք է կողմերը համաձայնության գան, ու հարցը լուծվի: Մինչդեռ, ցավոք, հիմա այն հնարավոր չէ, եւ այս վիճակը, դժվար թե, շուտ ավարտվի: Եվ եթե նույնիսկ, ասենք, բոլորի ցանկությամբ` պատերազմն ավարտվի էլ, այնտեղ ողջ երկրի ենթակառուցվածքները, մեղմ ասած, այնպես են վնասվել, որ հեշտ չի լինի «խելքի բերելը»: Ինչ վերաբերում է ռուսական ուժերին եւ ամերիկյան սպառնալիքներին, հիշեցնեմ, որ Սիրիայի իշխանության խնդրանքով է Ռուսաստանն իր ռազմատիեզերական ուժերը տեղակայել այնտեղ: Եվ փաստացի, քայլեր չանելու հնարավորություն էլ չունեինք, որովհետեւ Ռուսաստանում ահաբեկչության թեմային շատ լուրջ են վերաբերվում բոլոր ժամանակներում` սկսած Չեչնիայի դեպքերից: Այս ամենի հանդեպ հիշողությունները դեռ թարմ են, եւ ԻՊ ռադիկալ ուժերի ահաբեկչական  դրսեւորումները կանխելու համար Ռուսաստանը, ուղղակի, չխառնվելու շանս չուներ: Այնպես որ, ամեն գնով պետք է թույլ չտալ, որ այդ ահաբեկչական դրսեւորումները տարածվեն Կովկասում: Ուստի` անխուսափելի էր մեր կողմից Սիրիա մտնելը, եւ ուղղակի հետեւել տեղի ունեցող դեպքերին չէինք կարող: Եվ սա պետք է դաս լինի բոլոր պետություններին, որ խնամքով վերաբերվեն իրենց պետությանը եւ թույլ չտան, որ որեւէ «մետաստազ» մտնի երկրի ներս:

«ՉԵՆ ԼԻՆԻ ԵՎՐՈՊԱԿԱՆ ՓՈՂԵՐ, ԿԼԻՆԵՆ` ՉԻՆԱԿԱՆ»

– Անդրադառնանք նաեւ Արեւմուտքի կողմից Ռուսաստանի նկատմամբ կիրառվող նոր պատժամիջոցներին: Ի՞նչ կերպ այն կանդրադառնա ՌԴ տնտեսության վրա:

– Պատժամիջոցներն ամենեւին էլ տնտեսական խնդիր չեն, այս մասին են վկայում նաեւ Համաշխարհային բանկի տվյալները: Պարզապես, պատժամիջոցներով Ռուսաստանից ցանկանում են պահանջել այն, ինչը չի կարելի: Բայց սա ոչ մի տեղ չտանող ճանապարհ է, որովհետեւ ինչ էլ անեն, Ռուսաստանը հետքայլ չի անի: Հարցը փակված է: Խնդիրն այն է, որ ԱՄՆ-ն, որը տնտեսական հարցեր չունի Ռուսաստանի հետ, Արեւմուտքին դրդում է գնալ այդ պատժամիջոցներին: Մինչդեռ այն առաջին հերթին հարվածում է հենց եվրոպական բիզնեսին, մասնավորապես` գերմանական: Այս պատժամիջոցների հետեւանքով իրենք հարյուրավոր միլիոն դոլարների կորուստներ են ունենում: Բավակակն լուրջ է եվրոպական այն ընկերությունների հարցը, որոնք հանգիստ աշխատում էին ռուսական շուկայում ու միլիարդների եկամուտ ստանում: Իսկ բյուջետային քաղաքականության առումով մեզ վրա այն էական ազդեցություն չի թողնում: Հարցը քաղաքական է, մեր տնտեսական շուկան հարմարվել է այդ պատժամիջոցներին: Վերջիվերջո, չմոռանանք, որ տարբեր պատժամիջոցների տակ են նաեւ այլ երկրներ` Հնդկաստանը, Չինաստանը, բայց այդ պետություններին սա չի խանգարում իրենց ներդրումներն ավելացնել: Այնպես որ, չեն հաղթում նրանք, ովքեր ուժեղ են կամ խելոք, այլ նրանք, ովքեր կարողանում են հարմարվել ստեղծված իրավիճակին: Եթե նրանք հույս ունեն այս պատժամիջոցներով հասնել Ղրիմի հարցում զիջման, ապա լավ է, թե` վատ, բայց այս որոշումն անբեկանելի է: Իսկ տնտեսությանը վտանգ չի սպառնում, որովհետեւ մենք մեր բիզնեսը ուղղել ենք դեպի Արեւելք: Չեն լինի եվրոպական փողեր, կլինեն` չինական: Օրինակ, այսօր Ռուսաստանում տնտեսական լայն համագործակցություն կա նաեւ Սաուդյան Արաբիայի հետ: Ի՞նչն է խնդիրը, որ ռուսական շուկայում չեն լինի լեհական խնձորնե՞ր: Համենայնդեպս, Ձեզ համար ավելի լավ` հիմա այն մենք գնում ենք Հայաստանից: Իսկ հայկական ավանդական կոնյակը թիվ մեկն է մեր սուպերմարկետներում: Ավելին` այսօր մեր սուպերմարկետներում կարելի է գտնել հայկական լավ գինի, որը նախկինում հազվադեպ էր ճարվում:

ՀՐԱՆՏ ՍԱՐԱՖՅԱՆ

 Աղբյուրը՝ iravunk.com լրատվական

 
Բաժին՝ Աշխարհում

«Դա ամբողջ  մարդկության շահերից է բխում, սա այն ոլորտն է, որը կարող է միավորել մեզ», - ասել է ՌԴ նախագահը:

«Այո, դա այդպես է», - պատասխանեց նախագահը: «Ինչպես ձեզ հայտնի է, ծրագիրը իրականացվելու  է մինչեւ 2030 թվականը ... Վերջնական անդրադարձները տեղադրվում են ֆեդերացիայի տիեզերանավերի վրա եւ հետազոտությունն ու զարգացումը շարունակվում է լուսնային ծրագրի համար օգտագործվող գերհզոր հրթիռ կառուցելու համար, ուստի մենք չենք կարող կասկածել կշարունակեն աշխատել եւ իրականացնել այս ծրագիրը:

 «Մի լուսնային զննում կլինի առաջինը, ապա լույսի մոդուլները կբարձրանան, առնվազն այն, ինչ պլաններն են»: Այս գերծանր տիեզերանավի ուսումնասիրությունները ուժի մեջ են լուսնային ծրագրում օգտագործելու համար, ուստի կասկած չի կարող լինել, որ մենք ակտիվորեն աշխատում ենք իրականացնելու այս ծրագիրը: Սկզբում կլինի լուսնային զննություն, այնուհետև, ապա կստեղծվի լուսնի մոդուլներ, այնպես ինչպես պլանավորված է:

Պուտինը, ով հաջորդ տարի նաև պլանավորում է ոչ մարդկային առաքելություն իրականացնել դեպի Մարս մոլորակ, ընդգծել է, որ կշարունակվեն տիրեզերական հետազոտական և զարգացման ծրագրերը չնայած ԱՄՆ-ի կողմից կիրառված պատժամիջոցներին եւ երկու երկրների միջեւ հարաբերությունները դադարեցնելու հարցին:

 «Դա ամբողջ  մարդկության շահերից է բխում, սա այն ոլորտն է, որը կարող է միավորել մեզ», - ասել է ՌԴ նախագահը:

Նախկին Խորհրդային Միությունը ժամանակին առաջատարն էր տիեզերական տեխնոլոգիաների զարգացման մեջ, սակայն այն դադարեցրել է Խորհրդային Միության եւ Ռուսաստանի Դաշնության վաղ շրջանի տնտեսական անկումը: Ռուսաստանում վերջին տնտեսական աճը, ինչպես նաեւ Չինաստանի հետ համագործակցությունը հնարավորություն տվեցին բացել տիեզերական սահմանը:

Ներկայումս Միացյալ Նահանգները ապավինում է Ռուսաստանի տիեզերական գործակալությանը, «Ռոսկոսմոսին», սարքավորումների ու մարդկային տրանսպորտի Միջազգային տիեզերակայանին, սակայն Էլոն Մուսկին SpaceX- ի եւ Boeing- ի կողմից մասնավոր տիեզերական հետազոտությունների աճով պայմանավորված ձգտում է դադարեցնել այս կախվածությունը:

 

Տիեզերագնացության տոնը նշում է 1961 թ. ապրիլի 12-ի, ի պատիվ  խորհրդային առաջին տիեզերագնաց Յուրի Գագարինի:

 

Աղբյուրը` TeleSur լրատվական - https://www.telesurtv.net/english/news/Putin-Russia-Will-Go-To-Moon-Space-Exploration-Can-Unite-Us-20180412-0028.html

 

АрмИнфо. За последние 5 лет ситуация с малым и средним бизнесом в Армении практически не изменилась, доля МСБ в структуре ВВП составляет около 30% на протяжении уже долгих лет, - заявил председатель Союзa отечественных товаропроизводителей  Армении Вазген Сафарян, отвечая на вопрос корреспондента АрмИнфо.  Основной причиной такого положения малого и среднего бизнеса глава Союза назвал отсутствие должного развития промышленного производства.

Тем не менее, на пресс-конференции 10 апреля Сафарян отметил, что МСБ обеспечивают 5- 6% налоговых поступлений в госказну, тогда как годами ранее этот показатель находился на уровне 2-3%. Из зарегистрированных 70 тыс. предприятий малого и среднего бизнеса, число которых с каждым годом снижается, порядка 60% заняты в торговле, сказал он. В этом ключе он подчеркнул, что согласно данным 2017 года 465 предприятий МСБ были объявлены банкротом. <Дело в том, что работа крупных торговых сетей наносит удар малым торговым точкам, киоскам. Например, в России, крупные супермаркеты расположены на достаточно больших расстояниях от жилых комплексов, тем самым предоставляя возможность малым торговым объектам развивать свою деятельность. А у нас  с этой точки зрения ситуация не столь благоприятная>, - подчеркнул он.  <Я придерживаюсь мнения, что государству необходимо ставить акцент на развитии промышленности, в частности, крупных промышленных предприятий  - это заводы <Наирит>, <Ванадзорский химпром> и ряд других. Если бы эти предприятия функционировали, то вокруг них бы сформировались десятки малых и средних контрагентов, в качестве обслуживающей инфраструктуры и поставщиков. Однако учитывая сегодняшние реалии, подавляющее большинство МСБ задействованы в сфере торговли>, - подчеркнул Сафарян.

В этом ключе глава Союза сослался на Германию, где учитывая уровень промышленного развития, доля МСБ в ВВП составляет свыше 50%. <Развитие малого и среднего бизнеса и индустриального производства взаимосвязано. Но в Армении реализовывается недостаточно шагов в этом направлении>, - добавил глава СПП.

На комментарий АрмИнфо касательно продолжительного роста промышленного сектора в Армении, Сафарян отметил, что промышленность в Армении растет преимущественно за счет экспорта производства горно-металлургической отрасли, в частности, медно- молибденового концентрата. <Если бы мы не вывозили столько концентрата, а организовали бы литейное производство на месте и получали бы чистую и рафинированную медь, то она бы служила сырьем для организации внутренней кооперации с точки зрения развития кабельного, электротехнического и других производств. Кроме внутренней кооперации можно было бы развить и внешнюю, в частности с РФ. Так как с Россией по промышленной части мы имеем одну и ту же культуру производства. Поэтому нам будет намного удобнее и выгоднее интегрироваться в российскую экономику или же организовать совместные предприятия, восстанавливать старые связи, создавать новые.  Вот эти все пути может проложить Министерство промышленности и внешней торговли, о необходимости создания которых мы говорили и говорим постоянно. Если образно представить экономику в виде человека, то сельское хозяйство - это ноги, промышленность - это позвоночник, руки - высокие технологии, голова - научные познания. А когда есть проблемы с позвоночником, то  человек, как известно, слаб и уязвим>, - сказал глава Союза.

Кроме того, по мнению Сафаряна, развитию МСБ препятствует постоянно меняющееся налоговое законодательство. У предпринимателей, по словам эксперта, отсутствует доверие к власти и видение развития бизнеса. <Слишком часто меняются условия для функционирования МСБ, постоянно принимаются поправки в законодательство. Если бы ответственные за налоговую политику официально заявили, что тот или иной пункт закона будет неизменен в течение как минимум 10 лет, тогда бы предприниматель развивал бы свой бизнес без каких-либо опасений>, - сказал он.

Отметим, что по данным Нацстатслужбы РА, объем промышленного производства в Армении в 2017г по сравнению с 2016г вырос на 12,6% (против роста на 6,7% годом ранее), составив 1.660 трлн. драмов ($3.4 млрд.). В частности в 2017г по сравнению с 2016г в горнодобывающей промышленности и разработке открытых карьеров зафиксирован рост на 13,9% (против 8,3%-го роста годом ранее) - до 337.7 млрд. драмов.-

Էջ 1, 2-ից

ՍՈՑԻԱԼԻԶՄ .AM

 

Հայաստանի Հանրապետություն
ք. Երևան,
(+37410)
E-mail: info@socialism.am

Բոլոր իրավունքները պաշտպանված են: Մեջբերումներ անելիս հղումը socialism.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց socialism.am-ին հղման արգելվում է: Գովազդների բովանդակության և մամուլի տեսության համար կայքը պատասխանատվություն չի կրում: