ՄԱԳԱՏԷ-ի վրա ճնշում գործադրելու փորձերը «անարդյունավետ եւ չափազանց վնասակար են»․ Յուկիա Ամանո

31 Հունվարի 2019

ՄԱԳԱՏԷ-ն հայտարարել է, որ ստուգումների ընթացքում կազմակերպության վրա ճնշում գործադրելու փորձերը «անարդյունավետ եւ չափազանց վնասակար են»՝ հայտնում է Reuters-ը։

Իսրայելը, որը կտրականապես դեմ է 2015թ․ իրանական միջուկային համաձայնագրին, Միջուկային էներգիայի միջազգային գործակալությանը կոչ է արել այցելել Իրանի «գաղտնի միջուկային պահեստ» եւ այլ վայրեր։ Դոնալդ Թրամփը եւս նման կոչերով է հանդես եկել։

«Եթե մեր հեղինակությունը կասկածի տակ դրվի, մասնավորապես, եթե գործակալության վրա ճնշման փորձեր ձեռնարկվեն, դա անարդյունավետ եւ ծայրահեղ վնասակար կլինի»,- հայտարարել է ՄԱԳԱՏԷ-ի գլխավոր տնօրեն Յուկիա Ամանոն։

Ամանոն կրկնել է, որ Իրանը շարունակում է կատարել միջուկային համաձայնագրով նախատեսված իր պարտավորությունները։

«Ինչ վերաբերում է ԿԺԴՀ-ի միջուկային ծրագրին, մենք, ինչպես նախկինում, պատրաստ ենք կարեւոր դեր խաղալ ստուգման հարցում, եթե շահագրգիռ երկրների միջեւ քաղաքական համաձայնագիր կնքվի»,- ասել է նա։

Աղբյուր՝ news.am

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆԸ

ՍՈՑԻԱԼԻԶՄ .AM

 

Հայաստանի Հանրապետություն
ք. Երևան,
(+37410)
E-mail: info@socialism.am

Բոլոր իրավունքները պաշտպանված են: Մեջբերումներ անելիս հղումը socialism.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց socialism.am-ին հղման արգելվում է: Գովազդների բովանդակության և մամուլի տեսության համար կայքը պատասխանատվություն չի կրում: