Սիրիայում բախումները սաստկանում են

Ուժեղ բախումներ են տեղի ունեցել Իտլիպի գյուղական այն շրջաններում, որոնք գտնվում են իշխանությունների տիրապետության տակ։ Սիրիական ռազմական օդանավերը հարվածել են զինյալների դիրքերին։ Հարձակում իրականացրած Ջաբաթ Նուսրան նշել է, որ Տաեշի դեմ իր պայքարի գլխավոր նպատակը Թուրքիաի անվտանգությունն ապահովելն է։ Տաեշ կազմակերպությունը Հալեպի գյուղական շրջաններում ականապատ մեքենա է պայթեցրել, որի հետևանքով 10 մարդ զոհվել է։ Մարդու իրավունքների սիրիական խորհրդի համաձայն, Հալեպի մոտակա օդային տարածքում Տաեշի հարձակման հետևանքով 18 զինվոր է սպանվել։

Սելինա Տողանի հարցադրումները

Երկար տարիների բացակայությունից հետո Թուրքիայի խորհրդարանում երեք հայ պատգամավորների ընտրությունը որոշ հետաքրքրություն է առաջացրել տարբեր շրջանակներում։ Ոմանք ոգևորված են այս նոր զարգացումից, իսկ ոմանք էլ որոշ վերապահությամբ հետևում են հայազգի պատգամավորների գործունեությանը։ Առայժմ նախագահի ընտրությամբ զբաղված խորհրդարանի օրակարգում հարցադրումներ է արել պատգամավոր Սելինա Տողանը։ Հիմք ընդունելով Սահմանադրության 98-րդ և խորհրդարանի ներքին կանոնադրության 96-րդ և 99-րդ հոդվածները, նա վարչապետին է դիմել հետևյալ հարցումներով․ Քոբանիում ձերբակալված Տաեշի մեկ զինված անձի մոտ Աքչաքալեի քաղաքապետարանի պատրաստած անձնագիր է հայտնաբերվել։ Այդ անձը Թուրքիա ե՞րբ է մուտք գործել և ե՞րբ է լքել երկիրը։ Հաստատո՞ւմ եք, արդյոք «Էոզկյուր Կյունտեմ» թերթի պնդումներն այդ մասին։ Սիրիացի ապստամբների ճամբարներում լրատվական…
Վերջերս Իրանի Իսլամական Հանրապետության ԱԳ նախարար Մոհամադ Զարիֆը շրջագայում էր հարևան երեք երկրներում՝ Իրաքում, Քուվեյթում և Քաթարում։ Նա հանդիպում է ունեցել այդ երկրների բարձրաստիճան պաշտոնյաների հետ, անդրադարձել է միջուկային հարցի վերաբերյալ համաձայնագրին, կարևորել է դրա դրական ազդեցությունը տարածաշրջանում։ Նա շեշտել է, որ հարևան երկրներն Իրանի արտաքին հարաբերություններում առաջնային տեղ են գրավում։
Թուրքական «Հուրիեթ» օրաթերթի ստորև ներկայացվող հարցազրույցին մենք տեղ տվեցինք, քանի որ այն լիարժեքորեն ներկայացնում է այսօրվա Թուրքիայի խառնակ ու անհաշտ իրավիճակը, և քաղաքական ուժերի բախման պատճառները։ Այս հարցազրույցը ներկայացնում է այն, ինչը շատ կողմերով բնորոշ էր հարյուր տարի առաջ Թուրքիայի իշխանությունների վարած քաղաքականությանը, պարզապես այլ պայքարողներ էին հարյուր տարի առաջ և ուժերի այլ հավասարակշռություն էր տիրում։ Սալահելդին Դեմիրթաշը այս հարցազրույցում մեզ տրամադրեց այնպիսի մանրամասներ, որոնց մասին անցյալում որևէ բան չէր ասել: Շատ տեսանկյուններից սա պատմական հարցազրույց է: HDP-ի ընդհանուր նախագահը պատմում է PKK-ի զենքերը ցած դնելու համար պետության կողմից օրինական երաշխիքների մերժման, միևնույն ժամանակ նոր ռազմական շինությունների կառուցման հետևանքով Թուրքիայում…

Թուրքիայում ևս մեկ բախում

Թուրքիայի Կ․Պոլիս քաղաքում անհայտ զինյալները կրակ են բացել իշխող Արդարություն և բարգավաճում կուսակցության կենտրոնի վրա։ Հրաձգության հետևանքով վիրավորվել է պահակը։ Դեպքի վայր ժամանած ոստիկանությունը հետաքննություն է սկսել, իսկ վարչապետ Դավութօղլուն հայտարարել է, որ ահաբեկչական կազմակերպությունները չեն կարողանալու տապալել Թուրքիայի կայունությունն ու անվտանգությունը։ Մինչ այդ, Մուշում Քրդստանի աշխատավորական կուսակցության զինյալներն առավոտյան հրթիռներ էին արձակել ոստիկանության դիրքերից մեկի վրա։
Թուրքիայի հարավ-արևելյան հատվածում ոստիկանության և քուրդ զինյալների միջև ուժեղ բախումներ են տեղի ունեցել, հաղորդում է «Ռոյթրզ» գործակալությունը։ Բախման հետևանքով սպանվել է առնվազն 2 մարդ և 10 վիրավորվել։ Նշենք, որ Քրդստանի աշխատավորական կուսակցության զինյալ խմբավորումները նախապես հայտարարել էին, որ շարունակելու են իրենց գործողություններով թիրախ դարձնել թուրքական զինվորական դիրքերը։ Կուսակցության հաղորդման համաձայն, վերջին օրերին տեղի ունեցած հարձակումների ընթացքում սպանվել է ավելի քան 18 թուրք զինվոր։ Թուրքական կողմը լրացուցիչ հրասայլեր է տեղակայել Սիրիայի սահմանի մոտ՝ Շրնաք գավառի սահմանագծին։ Իրանի քաղքացիներին փոխադրող ավտոբուսի ուղղությամբ կատարված հրաձգության հետևանքով Թուրքիայի արևելյան հատվածում սպանվել է թուրք զինվոր և վիրավորվել 4 քաղաքացի։
ԱՄՆ պետքարտուղար Ջոն Քերրին երեկ հայտարարել էր, որ Սերգեյ Լավրովի հետ Մալազիայում հանդիպման ժամանակ որոշել են բացահայտել Սիրիայում քիմիական զենք կիրառողներին։ Քերրիի խոսքերի համաձայն, այս մասին որոշում պետք է կայացնի ՄԱԿ-ի Պաշտպանության խորհուրդը։ Մինչ այդ, Սիրիայի ընդդիմադիր ազգային միավորման ղեկավարությունը նշել էր, որ վարչախմբի դաշնակից պետությունների՝ Իրանի և Ռուսաստանի ներկայացրած լուծման առաջարկությունները Ժնևի 1-ին և 2-րդ խորհրդաժողովների որոշումների հիման վրա նկատի չեն առնվի։ Ակնկալվում է, որ այսօր՝ օգոստոսի 8-ին ՄԱԿ-ի Պաշտպանության խորհուրդը կվավերացնի Սիրիայում քիմիական զենքերի կիրառման պատասխանատուներին բացահայտող հանձնախմբի կազմի մասին որոշումը։ Ամենայն հավանականությամբ, այդ բանաձևը կվավերացվի առանց տարաձայնությունների, քանի որ ԱՄՆ և Ռուսաստանը համաձայնության են եկել այդ հարցում։…

Եգիպտոսը Սուեզի նոր ջրանցքը  բացեց

Սուեզի նոր ջրանցքը կվերականգնի Կահիրեի երբեմնի փառքն ու կապահովի տնտեսական աճ։ Եգիպտոսում օգոստոսի 6-ին աշխարհի առաջադեմ երկրների ղեկավարների մասնակցությամբ տեղի ունեցավ Սուեզի նոր ջրանցքի բացման արարողությունը։ Այդ նոր ջրանցքը կրկնակի ավելացնելու է աշխարհի գլխավոր տրանսպորտային ուղիներից մեկի երթևեկելիությունը, իսկ պետության ստացած շահույթը եռապատկելու է։ Ջրանցքի բացման իրադարձությունն արդեն համարում են երկրի նախագահ Աբդել Ֆաթահ աս Սիսիի ամենամեծ նվաճումը, ով ձգտում է իր երկրին տալ տարածաշրջանային առաջատար տերության դերը։ Սակայն հետհեղափոխական Եգիպտոսի հաջողությունը կախված է լինելու ոչ միայն համաշխարհային առևտրաշրջանառության աճից, այլև ահաբեկչական կազմակերպություններին, հատկապես Սուեզի ջրանցքին շատ մոտ գտնվող ԻՊ-ը դիմակայելու երկրի իշխանությունների կամքից։ Սուեզի նոր ջրանցքի բացումն արդեն շատերն…

Օբաման օգնում է սիրիացի ընդդիմադիրներին

ԱՄՆ նախագահ Բարաք Օբամայի վարչակազմից տեղեկացնում են, որ նախագահը համաձայն է սիրիացի ընդդիմադիրներին օգնելու համար օդային հարձակումներ իրականացնել։ Նախագահը այդպիսով ուզում է պաշտպանել սիրիացի ընդդիմադիրներին, որոնց մարզել են ամերիկյան սպաները։ Նշենք, որ ամերիկյան ռազմական ինքնաթիռները վերջին օրերին մի շարք հարձակումներ են իրականացրել՝ թիրախ դարձնելով ծայրահեղականների դիրքերը, պաշտպանելու համար իր մարզած սիրիացի ընդդիմադիրներին։ Ամերիկյան ռազմական ինքնաթիռների միջամտությունը այդտեղ անհրաժեշտ էր։ Նուսրայի դեմ բախումների ընթացքում արդեն իսկ սպանվել էր մարզված մեկ ընդդիմադիր սիրիացի և գերվել հինգը։

Ջոն Քերրին և Սերգեյ Լավրովը դարձյալ հանդիպել են

Ռուսաստանի արտաքին գործերի նախարար Սերգեյ Լավրովը հայտարարել է, որ իրենք չեն ուզում զինման մրցավազքի մեջ մտնել այլ երկրների հետ, սակայն պատրաստ են հակադարձելու հակահրթիռային վահանի տեղակայման փորձերին։ Մալազիայում տեղի ունեցած հանդիպման ընթացքում հանդիպել են Ս․Լավրովն ու Ջ․Քերրին։ Նրանք քննարկել են տարբեր հարցեր, որին ներկա է եղել նաև Սաուդյան Արաբիայի ԱԳ նախարար Աբդել Ժուպեյրը։

Թուրքիան պայքարելու  է Տաեշի դեմ

Թուրքիայի արտաքին գործերի նախարար Չավուշօղլուն նշել է, որ իրենք լայնածավալ գործողություններ պիտի ձեռնարկեն Տաեշի դեմ։ ԱՄՆ պետքարտուղար Ջոն Քերրի հետ հանդիպման ընթացքում Չավուշօղլուն նշել է, որ իրենք պատրաստ են համագործակցելու ամերիկացիների հետ՝ Սիրիայի ընդդիմադիրներին մարզելու գործում։ Թուրք նախարարը հանդիպել է նաև Ս․Լավրովի հետ։ Նշենք, որ Քաթարը վերապահությամբ էր ընդունել Արաբական լիգայի հրապարակած վերջին որոշումը, որը դատապարտում էր Իրաքի հյուսիսում քրդական շրջանների ուղղությամբ թուրքերի ռմբակոծությունները։ Մինչ այդ գերմանացի մի պաշտոնյա նշել է, որ Տաեշին միացող գերմանացիների թիվն արդեն հասել է առնվազն 720-ի։

ՍՈՑԻԱԼԻԶՄ .AM

 

Հայաստանի Հանրապետություն
ք. Երևան,
(+37410)
E-mail: info@socialism.am

Բոլոր իրավունքները պաշտպանված են: Մեջբերումներ անելիս հղումը socialism.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց socialism.am-ին հղման արգելվում է: Գովազդների բովանդակության և մամուլի տեսության համար կայքը պատասխանատվություն չի կրում: