Թուրքիայի արտաքին գործերի նախարար Մավլութ Չավուշօղլուն հայտարարել է, որ Սիրիայում դաշնակից ուժերի ռմբահարումները նախագահ Բաշար Ասադին պետք է ստիպեն նստել բանակցությունների սեղանի շուրջ։ Նա ասել է նաև, որ Թուրքիան ու Մ․Նահանգները շարունակելու են բանակցություններ վարել՝ Սիրիայում Տաեշի դեմ պայքարելու նոր ուղիներ գտնելու համար։ Այնուհետև նշել է, որ քրդական կազմակերպությունների դեմ ռազմական գործողությունները պիտի շարունակվեն այնքան ժամանակ, մինչև որ այդ կազմակերպությունները զենքը վայր դնեն։
Իսրայելը ներմուծվող նավթի 77%-ն ստանում է Իրաքի Քրդստանից։ Քրդական իշխանությունները խոստովանել են, որ Իսրայելին վաճառած նավթի դիմաց ստացած միջոցներով առաջին հերթին ֆինանսավորում են Իրաքի և Սիրիայի քուրդ զինյալներին։ Մայիս-օգոստոս ամիսների ընթացքում քրդերը Իսրայելին վաճառել են մոտ 1 մլրդ դոլարի նավթ։ Բոլոր գործարքները գաղտնի են կատարվել, համաշխարհային որոշ առաջատար ընկերությունների միջոցով։ Նավթի մյուս մասն Իսրայելը գնում է Ռուսաստանում, Ղազախստանում և Ադրբեջանում։ Անվտանգության նկատառումներից ելնելով, Իսրայելը չի բացահայտում իր երկիր ներմուծվող նավթի աղբյուրները։ Իրաքի Քրդստանի տարածաշրջանային կառավարության ներկայացուցիչները չեն հաստատում Իսրայելին նավթ մատակարարելու փաստը։ Այդ կառավարության բարձրաստիճան պաշտոնյաներից մեկի խոսքերի համաձայն, քրդերին «բոլորովին չի հետաքրքրում, թե ուր է գնում իրենց նավթը միջնորդին…

Ալ-Քաիդան՝ որպես ՆԱՏՕ-ի զինուժ

Թուրքիայի վարչապետ Ռեջեփ Թայիփ Էրդողանի և Ալ-Քաիդայի միջև գոյություն ունեցող կապերի բացահայտումը ցնցեց թուրքական քաղաքական դաշտը: Անկարան ոչ միայն ակտիվորեն աջակցում է ահաբեկչական գործողություններին Սիրիայում, այլև այդ ամենն իրականացնում է ՆԱՏՕ-ի ռազմավարության շրջանակներում: Ըստ Տիերի Մեյսանի, այս հանգամանքը վկայում է Սիրիայի ժողովրդի և պետության դեմ կռվող զինված խմբավորումների շինծու բնույթի մասին: Մինչ այժմ ՆԱՏՕ-ի անդամ-պետությունների ղեկավարները պնդում էին, որ միջազգային ջիհադիստական շարժումը, որի ձևավորմանը նրանք աջակցել էին դեռևս Աֆղանստանում Սովետական Միության դեմ պատերազմում (1979 թ.), դուրս եկավ իրենց դեմ Քուվեյթի ազատագրման ժամանակ (1991 թ.): Նրանք մեղադրում են Ալ-Քաիդային Քենիայում և Տանզանիայում (1998 թ.) ԱՄՆ դեսպանատների վրա հարձակման և 2011 թ.-ի…
Էստոնիայի արդարադատության նախարար Ուրմաս Ռեյնսալուն առաջարկել է միջազգային դատական գործընթաց սկսել՝ կոմունիստական ռեժիմի իրագործած հանցագործությունները հետաքննելու համար։ «Մենք պետք է միջազգային մակարդակով գնահատական տանք սոցիալիզմի ուղուց շեղված կոմունիստական ռեժիմի հանցագործություններին և համատեղ դատենք հանցագործներին։ Կոմունիստական ռեժիմների հանցագործություններն այսօր փոխհատուցման ենթակա չեն միջազգային որևէ դատարանում», հայտարարել է նախարարը։ Նրա խոսքերի համաձայն, այդ են պահանջում զոհերի հիշատակը։ Եվրոպացիների նոր սերունդը պետք է հասնի այն բանին, որ կոմունիզմի հանցագործությունները դատապարտվեն։ Յոթ երկիր հավանություն է տվել Էստոնիայի արդարադատության նախարարի առաջարկությանը։ Էստոնիայի, Լատվիայի, Լիտվայի, Լեհաստանի, Չեխիայի, Սլովակիայի, Հունգարիայի և Վրաստանի արդարադատության նախարարությունների ներկայացուցիչները հանդես են եկել համատեղ հայտարարությամբ՝ կոմունիզմի հանցագործությունների հետաքննման անհրաժեշտության և միջազգային հատուկ…

Վրաստանում  տարհանել են 350 զբոսաշրջիկ

Մոտ 350 տեղացի և արտասահմանից ժամանած զբոսաշրջիկների տարհանել են Վրաստանի հյուսիս-արևելյան բարձր լեռնային Տուշեթիա շրջանից, որտեղ հորդառատ անձրևի և սողանքների հետևանքով քանդված ճանապարհը նրանց փակուղու մեջ էր առել։ Զբոսաշրջիկներին ուղղաթիռներով հասցրել են Ահմետի շրջկենտրոն և Թելավի քաղաք։ Արդեն սկսել են լեռնային ավտոճանապարհների վնասված հատվածների վերականգնումը։ Մասնագետների մոտավոր հաշվարկների համաձայն, վերականգնման աշխատանքները կշարունակվեն մեկ շաբաթ, հաղորդում է ՏԱՍՍ գործակալությունը։

Փոքր ձեռքերն ու ծանր բեռը

Սիրիայի փոքրիկները կորցրել են իրենց մանկությունը, այդ փոքրիկները շատ թանկ են վճարում չդադարող պատերազմի համար։ Այս մասին ասվում է UNICEF-ի ու Save the chidren-ի պատրաստած և վերջերս հրապարակված «Փոքր ձեռքերն ու ծանր բեռը» զեկույցի մեջ։ Զեկույցի ուսումնասիրության հիմնական թեման էր՝ հակամարտության պայմաններում փոքրիկների աշխատանքային շահագործումը, որի հետևանքով նրանք կորցնում են կրթություն ստանալու իրավունքը, վնասում են իրենց առողջությունն ու զրկվում են լավ հեռանկարից։ Մինչև աղետալի ճգնաժամի և զինված հակամարտության մեջ հայտնվելը, Սիրիան միջին եկամուտ ունեցող երկիր էր, որն ի վիճակի էր իր ժողովրդի համար արժանապատիվ կյանք ապահովել։ Գրեթե բոլոր փոքրիկները դպրոց էին հաճախում, գրագիտության մակարդակը 90%-ից բարձր էր։ Չորսուկես տարի ճգնաժամի…
2015 թվականի հուլիսի 31-ից օգոստոսի 2-ը Լոնդոնի «Մարքսի անվան» գրադարանում տեղի ունեցավ հերթական «Կարմիր աստղ» քաղաքական փառատոնը, որին մասնակցում էին ձախ ուժերի և բանվորական շարժման աշխարհում հայտնի անձինք: Նման փառատոներ տեղի են ունենում 2003 թվականից՝ «Կոմունիստական համալսարան», իսկ մինչև 2003 թ․ «Մարքսիզմը 21-րդ դարում» անվանումներով։ Մասնակցում էին՝ Անգլիայի Կոմկուսը, Հունաստանի Կոմկուսը, Կիպրոսի «ԱԿԵԼ»-ը, Իրաքի Կոմկուսը, Սուդանի Կոմկուսը, Անգլիայի Նոր Կոմկուսը, Քրդստանի Բանվորական Կուսակցությունը՝ ՊԿԿ-ն, որոշ բանվորական և ուսուցչական արհմիություններ և այլք: Փառատոնի կազմակերպման հարցում միասնաբար աշխատել էին Մարքսի անվան գրադարանի ղեկավարությունը, Անգլիայի Նոր Կոմկուսը և Անգլիայում կոմկուսների համադրող կոմիտեն: Փառատոնի օգտավետ ժամը 48 ժամ էր, որի ընթացքում ավելի քան 30…

Ցիպրասը հրաժարական է տվել

Հունաստանի վարչապետ Ալեքսիս Ցիպրասը հրաժարական է տվել։ Երկրի սահմանադրության համաձայն, մինչև արտահերթ ընտրությունները Հունաստանի կռավարությունը ղեկավարելու է Գերագույն դատարանի նախագահ Վասիլիկա Տանու-Քրիստոֆիլուն։ Առաջին անգամ Հունաստանում վարչապետի պաշտոնը, թեկուզ ժամանակավոր, ստանձնելու է կին, գրում է Los Angeles Times-ը։ Արտահերթ ընտրությունները տեղի են ունենալու մոտավորապես սեպտեմբերի 20-ին։ Դա արդեն երրորդ ընտրություններն է այս տարի Հունաստանում։
Թուրքիայի վարչապետ Ահմադ Դավութօղլուն հրաժարվել է նոր կառավարություն կազմելու պարտականությունից։ Նա չէր կարողացել համախոհների կառավարություն կազմել, թեև բանակցություններ էր վարել երեք գլխավոր ընդդիմադիր կուսակցությունների հետ։ Սեպտեմբերի 12-ին գումարվելու է Արդարություն և բարգավաճում կուսակցության համագումարը, որից հետո բոլորն ակնկալում են, որ արտահերթ ընտրություններ կլինեն։

Իսլամական պետությունը սպառնում է Թուրքիային

ԻՊ կազմակերպությունը սպառնացել է Թուրքիայի նախագահին, խոստանալով վրեժ լուծել Թուրքիայի նախագահ Ռեջեբ Թայիպ Էրդողանից Սիրիայի հյուսիսային շրջաններում Տաեշի դիրքերին օդային հարվածներ հասցնելու համար։ Տաեշը կոչ է արել Թուրքիայի դեմ կռվելու, միևնույն ժամանակ Պոլսում պատերազմ է հայտարարել և դավաճան է անվանել Էրդողանին։
16 օր շարունակ Հալեպի բնակչությունը զրկված էր ջրից և էլեկտրականությունից։ Երեկ աստիճանաբար սկսեցին միացնել էլեկտրականությունը, որին հաջորդեց ջրի միացումը։ Ջուրն արդեն հասանելի է քաղաքի բոլոր շրջաններին, իսկ էլեկտրականությունը օրական ընդամենը մի քանի ժամ կմիանա։ Այս մասին հաղորդում է Հալեպի «Գանձասար» գործակալությունը։ Հալեպի բնակչության համար անցած 16 օրը տագնապալի էր․ջուրը մարդիկ կրում էին ջրհորներից, իսկ խմելու ջուրը գնում էին։ Քաղաքի եկեղեցիներից, մզկիթներից, հայկական թե կենտրոնական ջրհորներից էր ջուր մատակարարվում բնակչությանը։

ՍՈՑԻԱԼԻԶՄ .AM

 

Հայաստանի Հանրապետություն
ք. Երևան,
(+37410)
E-mail: info@socialism.am

Բոլոր իրավունքները պաշտպանված են: Մեջբերումներ անելիս հղումը socialism.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց socialism.am-ին հղման արգելվում է: Գովազդների բովանդակության և մամուլի տեսության համար կայքը պատասխանատվություն չի կրում: