Արխիվ Մայիսի 2018 - ՍՈՑԻԱԼԻԶՄ.am
Երեքշաբթի, 22 Մայիսի 2018 14:54

Կոմունիստական մանիֆեստը 21-րդ դարում

Կոմունիստական մանիֆեստի 150-ամյակի կապակցությամբ Մ.Մ.-ի հիմնադիր եւ երկարամյա խմբագիր Փոլ Մ. Սուեզին (1910-2004) գրել է «Կոմունիստական մանիֆեստը այսօր» հոդվածը, որը հրապարակվել է 1998 թ. Վերջերս հատուկ դիմում է արվել Վիետնամում մեր ընկերների կողմից `« Մանիֆեստի »170-ամյակի կապակցությամբ հայտարարության համար: Ի պատասխան, Ջոն Մաժը եւ Ջոն Բելլամին Ֆոստերը վերանայել են Sweezy- ի օրիգինալ ակնարկը `պահպանելով գրեթե բոլորը անձեռնմխելի, բայց մեր նորացված բացման եւ եզրակացության համար: Հոդվածին տրվել է նաեւ նոր վերնագիր եւ վերագրվում է բոլոր երեք հեղինակներին: Հետաքրքրված ընթերցողները խրախուսվում են համեմատել այս տարբերակը Sweezy- ի ինքնատիպ ակնարկին, որը հասանելի է ամսագրի առցանց արխիվում գտնվող բաժանորդների համար http://archive.monthlyreview.org :

Նյութն ամբողջությամբ անգլերեն https://monthlyreview.org/2018/05/01/the-communist-manifesto-in-the-twenty-first-century/

Բաժին՝ Գրադարան

Քաղաքական բարեփոխությունները կամ քաղաքական հեղափոխությունը անհրաժեշտություն էր դարձել Հայաստանում: Այս փաստը զգում էին բոլորը՝ հատկապես երիտասարդությունը և մտավորականները, սակայն դժբախտաբար չէին զգում կուսակցությունների մեծ մասը, կամ, եթե զգում էին, իրենց բնույթից ու գործելաոճից ելնելով՝ անկարող էին քաղաքական բարեփոխություն կամ հեղափոխություն կատարել:
Նիկոլ Փաշինյանի գլխավորությամբ երիտասարդների ու ընդհանրապես միջին խավից ժողովրդի մասնակցությամբ տեղի ունեցավ քաղաքական հեղփոխություն, որտեղ պետք է վերանան կաշառակերությունը, բարեկամությունների հիման վրա պաշտոնների բաշխումը, դատարանի կախվածությունը իշխանավորներից և քաղաքական մենաշնորհները: Բարեբախտաբար ներկա երիտասարդ իշխանությունը ունակ է վարչապետ Նիկոլ Փաշինյանի նման փոփոխություններ կատարելու, երիտասարդ իշխանավորները լի են էներգիայով ու բարեփոխություններ իրականացնելու դրդապատճառներով և մաքուր ու ոչ պահպանողական աշխատաոճով: Բոլորս պետք է նրանց թև և թիկունք կանգնենք քաղաքական բարեփոխությունները իրականացնելու գործում, որովհետև դա կխորացնի քաղաքական դեմոկրատիան մեր երկրում ու բարենպաստ հող կպատրաստի քաղաքական զարգացումների համար:
Երկրների ճակատագրերը ու ժողովրդի կողմնորոշումները ավելի շուտ որոշվում են ոչ թէ քաղաքական գործոններով ու բնույթով, այլ տնտեսական գործոններով: Երկրի իշխանությունը տապալելու նպատակով իմպերիալիստական ու մեծ կապիտալիստական երկրները աշխատում են թուլացնել այդ երկիրը տնտեսապես: Օրինակ Ամերիկան իրեն չենթարկվող երկրներին տապալելու կամ իրեն ենթարկելու համար սկսում է տնտեսական սանկցիաներ կիրառել ու շրջափակման մեջ պահել այդ երկրին մինչև տնտեսապես այդ երկրի ժողովուրդը վատ ապրելով տապալեն իրենց իշխանությանը: Ամերիկայի դիրքորոշումը Իրանի, հյուսիսային Կորեայի, Վենեզուելայի և իրեն հակառակ այլ երկրների հանդեպ՝ դրա վառ օրինակներից են:
Հաճախ առանց արտաքին միջամտությունների, ու միայն իշխանության սխալ տնտեսական համակարգ ունենալով, ու սովորական և աշխատավոր մասսաների տնտեսական շահերի հակառակ քաղաքականություն վարելով, որևէ իշխանություն, այդ թվում նաև մեր երկրի երիտասարդ ու դեմոկրատիկ իշխանությունը, որոնք, եթե սխալ տնտեսական համակարգ կիրառեն երկրում, կարող են իրենց տապալման պատճառ դառնալ: Հարստությունը անարդար ձևով երկրում բաժանելը պատճառ է դառնում, որ ժողովրդի տնտեսական վիճակը վատանա ու ոտքի է հանվում ժողովուրդին՝ այդ ռեժիմին տապալելու համար, կամ էլ խաղաղ ձևով փորձում է իշխանափոխություն անել:
Վերոհիշյալ իրականությունը՝ նկատի ունենալով, որ շատ կարևոր է, թէ մեր երիտասարդ նոր պետությունը ինչպիսի տնտեսական բարեփոխություններ կամ հեղափոխություն է անելու: Արդյոք այդ բարեփոխությունները բարձրացնելու են ժողովրդի կենսամակարդակը, վերացնելու են գործազրկությունը և բարելավելու են մարդկանց կենսամակարդակը թէ ոչ: Այստեղ մեծ վտանգ գոյություն ունի մեր երիտասարդ իշխանավորների համար և դա տնտեսական հարցերով ուղղորդվելն է նեոլիբերալական ուղղություններով, որոնք ավելի կխորացնեն տնտեսական անհավասարության վիճակը և տեղիք կտան մեծ դժգոհությունների և մեծ ալիք կարող է բարձրանալ նրանց դեմ, որտեղ պղտոր ջրից անպայման կօգտվեն նաև իրենց հակառակորդները:
Կարծում եմ, պետք է մեծացնել պետության դերակատարությունը տնտեսական աշխատանքներում, պետք է մեծ տեղ տալ սոցիալական ծառայություններին, պետք է տարբեր միջոցներով ու միջամտություններով բարձրացնել արդյունաբերությունը և ստեղծել աշխատատեղեր, իրականում վերջ տալ մոնոպոլիաներին, մեծ ու հարմար շուկաներ գտնել Եվրասիայում, տարածաշրջանում և տարբեր երկրներում՝ ստեղծելով մասնագիտական մարմին՝ օգնություն ցուցաբերել արդյունաբերողներին ու արտահանողներին: Չենթարկվել միայն ազատ շուկայական ջատագովների ցուցմունքներին, ու ըստ սովորական ժողովրդի շահերի, կիրառել մեր ժողովրդի տնտեսական շահերի ու զարգացմանը համապատասխանող տնտեսական քաղաքականություն: Պետք է իմանանք, որ մեր երկիրը հարուստ կապիտալիստական երկիր չէ և չենք կարող համեմատվել զարգացած կապիտալիստական երկրների հետ, որովհետև չունենք այդքան հավելյալ կապիտալ և միջոցներ:

Ռուբիկ Սարդարյան

Թեհրան, մայիս 2018թ.

Յուրաքանչյուր ոլորտի ակնառու եւ փորձառու մասնագետները պետք է կառավարության կողքին լինեն եւ ոչ թե երկիրը լքեն: Տնտեսությունից մինչեվ մշակույթ: Տարբեր ոլորտների ներկայացուցիչեր հավաքվել են ներկայացնելու իրենց դիտարկումները նոր կառավարությանն աջակցելու համար: Քննարկումներից հետո դրանք կամփոփվեն ու կներկայացվեն վարչապետին

Բաժին՝ Հայաստանում

Հանրային խորհուրդը ս.թ. մայիսի 16-ին գումարել է խորհրդի նիստ, որի օրակարգի միակ հարցը վերաբերել է հայաստանյան ներքաղաքական վերջին իրադարձությունների ընթացքին ու արդյունքներին, հնարավոր զարգացումներին, ընձեռած հնարավորություններին ու վտանգներին: Հանրային խորհրդի անդամներից յուրաքանչյուրն իր տեսակետն է հայտնել տեղի ունեցած իրադարձությունների և դրա արդյունքում ստեղծված նոր իրողությունների վերաբերյալ՝ արձանագրելով փոփոխությունների դրական և մտահոգիչ կողմերը, միաժամանակ ընդգծելով կուտակված լիցքերը ճիշտ օգտագործելու, հասարակության սպասելիքներն արդարացնելու և երկիրը ճիշտ ուղով առաջ տանելու անհրաժեշտությունը։Հանրային խորհուրդը գլխավոր ձեռքբերում է համարել հատկապես այն, որ ժողովրդի մոտ վերականգնվել է հույսը ապագայի նկատմամբ: Հանրային խորհրդի անդամները միաժամանակ կարծիք են հայտնել, որ ստեղծված աննախադեպ իրավիճակում չափազանց կարևոր էհասարակության մեջ այլակարծության ապահովումը, ամենատարբեր տեսակետներ ունեցող շերտերի նկատմամբ հարգանքը և ատելության ու անհանդուրժողականության դրսևորումների բացառումը։ Ամփոփելով քննարկումը՝ Հանրային խորհուրդը նպատակահարմար է գտել դիմել նոր կառավարությանը, որպեսզի կառավարության ծրագիրը կազմելիս հաշվի առնվեն Հանրային խորհրդի կողմից այս տարիների ընթացքում ՀՀ կառավարություն ներկայացված բազմաթիվ ծրագրերն ու առաջարկները, որոնց մի մասը ժամանակին ընդունվել է, մի մասը՝ ոչ:

 Աղբյուրը՝ Ankakh.com

Հինգշաբթի, 17 Մայիսի 2018 11:47

ՀՅԴ-ում «բունտ» է հասունանում

«Իրատես» թերթը գրում է. «Արդեն գրել էինք, որ ՀՅԴ-ում արշալույսները խաղաղ չեն: Մեզ հայտնի դարձավ, որ իսկական փոթորիկ է հասունանում այս կուսակցության դրսի եւ ներսի կառույցներում: Արեւելյան եւ Արեւմտյան Ամերիկաների, Իրանի ՀՅԴ կենտրոնական կոմիտեները պահանջում են կուսակցության արտահերթ ընդհանուր ժողով` քննարկելու կուսակցության քաղաքական կուրսին առնչվող հարցեր:
Նույն աղբյուրի փոխանցմամբ, ժողովը պայմանավորված է կուսակցությունում առկա դժգոհությամբ, իմա՝ ինչու են Հայաստանի դաշնակցականները միշտ իշխանության կողքին կանգնում, ինչու են իրենց վարկանիշը հետեւողականորեն գցում: «Ձեւավորվել է դաշնակցական նոմենկլատուրա, որի շահերը շատ հաճախ չեն համընկնում կուսակցական շարքերի շահերի հետ»,- նշեց մեր աղբյուրը:
Դաշնակցությունը, լքելով հեռացող իշխանության նավը, դուրս եկավ կոալիցիայից եւ անցավ Նիկոլ Փաշինյանի կողմը:
Ըստ դաշնակցականների, կուսակցությունը լրիվ կորցրել է իր քաղաքական դեմքը եւ փորձում է լինել օրվա իշխանության կցորդը:
Առանձնահատուկ դժգոհություն կա Հրանտ Մարգարյանի հանդեպ: Արդեն լուրջ ներկուսակցական բախում է եղել. Հրանտ Մարգարյանին եւ հայաստանյան կառույցը կոշտ քննադատող Աբո Պողիկյանը հեռացվել է ՀՅԴ-ից:
Հավելենք, որ Պողիկյանը «Ասպարեզ» պաշտոնաթերթի խմբագիրն է, եղել է ՀՅԴ բյուրոյի անդամ, «Ասպարեզում» հաճախ է հանդես եկել ՀՅԴ հայաստանյան կառույցի գործունեությունը քննադատող հոդվածներով»:
 
 
 

 

Բաժին՝ Հայաստանում

ԵՐԵՎԱՆ, 16 ՄԱՅԻՍԻ: Երևանի պատմության թանգարանում «Թանգարանային գիշերը» կներկայացվի խորհրդանշական գորգ՝ նվիրված Երևանի 2800-ամյակին: Այս մասին նշեց Երևանի քաղաքապետարանի տուրիզմի բաժնի պետ Գևորգ Օրբելյանը:

«Որպես կանոն՝ Երևանի քաղաքապետարանի ենթակայության տակ գործող համայնքային թանգարանները միանում են Թանգարանների միջազգային օրվա և Թանգարանային գիշերվա ծրագրին: Թանգարանները հանդես են գալիս հետաքրքիր ծրագրերով: Քանի որ այս տարին Երևանի համար հոբելյանական է, հետևաբար Երևանի պատմության թանգարանը, ավանդական ծրագրերից բացի, ներկայանալու է հետաքրքիր միջոցառմամբ: Թանգարանային գիշերը ներկայացվելու է խորհրդանշական գորգ, որը պահվելու է Երևանի պատմության թանգարանում»,-ասաց Գևորգ Օրբելյանը:

Գորգը գործելու մեկնարկը տրվել է մեկ տարի առաջ: Գորգի թեմատիկան Երևանի տեսարժան վայրերն են, Արգիշտի Ա-ի սեպագիր արձանագրությունը, 12 մայրաքաղաքների խորհրդանիշները և այլն: 50 տարի առաջ Երևանի 2750-ամյակի առթիվ գործվել էր «Էրեբունի» գորգը:

«Էրեբունի» պատմահնագիտական արգելոց թանգարանում ևս հետաքրքիր միջոցառումներ են նախատեսված, մասնավորապես, կանցկացվի գիշերային զբոսանք, կհնչեն ազգագրական երգեր ու պարեր, կկազմակերպվի ուրարտական խոհանոցի համտեսում և այլն:

 

Աղբյուրը՝ Արմենպրես լրատվական

Բաժին՝ Մշակույթ

ՀՅԴ «Ասպարեզ» պաշտոնաթերթի խմբագիր, ՀՅԴ Բյուրոյի նախկին անդամ՝ Աբո Պողիկյանը արտաքսվել է Դաշնակցության շարքերից։ Այս մասին նշված է Հունաստանի «Հայաստան» հասարակական մշակութային կենտրոնի տարածած հաղորդագրությունում:

«Վերջին 20 տարիներին Պողիկյանը բազմիցս քննադատել է ՀՅԴ հայաստանյան կառույցի իշխանամետ գործունեությունը, դաշնակցության վարկանիշի անկումը կուսակցության որդեգրած սխալ ռազմավարության արդյունքը համարելով։

Աբո Պողիկյանը մանավանդ մեղադրվել է, որ Հայաստանյան համաժողովրդային շարժումի ընթացքին, Հրանդ Մարգարյանի գլխավորած ՀՅԴ հայաստանյան կառույցի սխալ քաղաքականությունը քննադատող հոդվածներ է տպագրել «Ասպարեզ» օրաթերթում»,-ասված է հաղորդագրությունում:

 

Աղբյուրը՝ news.am լրատվական

Հայաստանում նրանք ովքեր շատ փող ունեն, կարողացել են դրանով ձեռք բերել պաշտոն և իշխանություն: Կուսակցությունների ղեկավարների մեծ մասը հարուստներն են կազմում, որովհետև կարողանում են իրենց գումարներով պահել կուսակցությունը, և եթե իշխանության մաս են կազմում, կարողանում են օգտվելով իրենց դիրքերից, նյութական աղբյուրներ հայթայթել իրենց մասնավոր ու իրենց կուսակցության համար և տարածել իրենց իշխանությունը երկրի մասշտաբով:

Սոված ու աղքատ երկրում մարդիկ ձգտում են ձևականորեն դառնալ նման կուսակցությունների անդամ, որպեսզի շանս ունենան  աշխատանք կամ եկամուտի աղբյուր ունենալու: Սրա վառ օրինակը “Հայաստանի Հանրապետական” ու “Ծառուկյան Դաշինք” կուսակցություններն են, որտեղ մարդիկ ձգտում են անդամ դառնալով այդ կուսակցություններին` հասնել մի պաշտոնի կամ դիրքի: Նման կուսակցությունները հենված են եղել անձերի վրա և ղեկավարվել են վերևից, սովորական ու ցածր շերտի կուսակցականները երբեք կուսակցական խաղերի մեջ չեն եղել ու որևէ դերակատարություն չեն ունեցել կուսակցության դիրքորոշումների վրա: Այս կուսակցությունների գաղափարախոսություններն էլ շինծու ու կեղծ գաղափարախոսություններ են եղել, որտեղ ազգայնամոլության ու կապիտալիստական գաղափարախոսության հիմունքների վրա աշխատում են իբրև թէ ազգայնորեն ամենալավ գաղափարախոսությունը ընտրել ու ցույց տալ որ իրենք ամենալավ ազգասերներն են ու լիբերալ են՝ ազատ շուկայական հարաբերությունների կողմնակից, որտեղ բոլոր հնարավորությունները հարուստների ու կապիտալիստների ձեռքում են:

Նիկոլ Փաշինյանի գլխավորած հեղափոխության ամենալավ կետը կարող է լինել այն, որ վերջ տա կոռուպցիային ու կաշառակերությանը և դատարանը լինի անկախ: Նման կարգավիճակը կնպաստի երկրի զարգացմանն ու դեմոկրատացմանը, սակայն տնտեսական ոլորտը կամ համակարգը կմնա նույնը՝ կապիտալիստական մի համակարգ, որտեղ ըստ կապիտալիստական գաղփարախոսության պետք է լինեն կապիտալիստներ, արտադրամիջոցների սեփականատերեր և մեծ թվով աշխատավորներ, որոնք լավագույն դեպքում կապիտալիստների մոտ կունենան իրենց աշխատանքները:

Խորհրդային Միության և Խորհրդային Հայաստանի որոշ քաղաքական ու տնտեսական սխալների հետևանքով հակասոցիալիստները ստեղծել են հակասոցիալիստական մթնոլորտ, որտեղ ամեն առիթով օգտագործվել ու վարկաբեկվել է սոցիալիստական համակարգը: Նեոլիբերալական ու լիբերալական գաղափարախոսները մեծ վախ ունեն, որ հանկարծ ժողովուրդը չծանոթանա սոցիալիստական տնտեսական համակարգի առավելությունների հետ, որտեղ պետությունը մեծ դերակատարություն ունի և բոլոր քաղաքականությունները մշակվելու են՝ հաշվի առնելով բանվորների, մտավորականների ու աշխատավորների տնտեսական շահերը: Կապիտալիստները և նրանց գաղափարախոսները ունեն լայն հնարավորություններ՝ իբրև ցույց տալու, որ լիբերալական ու ազատ շուկայական տնտեսական հարաբերությունները մեծ առավելություններ ունեն սոցիալիզմի նկատմամբ և ամեն կերպ աշխատում են, որ չթողնեն սոցիալիստական տնտեսական համակարգի հետ ծանոթանան աշխատավորները և միջին դասակարգի խավերը:

Պետք է հույս ունենալ, որ Նիկոլ Փաշինյանի երիտասարդ իշխանությունը բարեհաջող կերպով կկարողանա վերջ տալ երկրում կոռուպցիային ու անարդարությանը, կկարգավորի բոլոր քաղաքական հարցերը և դրա կողքին նաև հոգս կտանի ժողովրդի տնտեսական ու աշխատանքի վիճակի մասին: Հույսով ունենանք, որ նրանք կկարողանան բարձր գնահատել պետության դերակատարությանը երկրի ու ժողովրդի տնտեսական ու աշխատատեղերի ստեղծման գործում և կկանգնեն ավելի շուտ հասարակ ժողովրդի կողքին ու չեն զոհաբերի դա մեծահարուստների ու արտադրամիջոցների սեփականատերերի շահերի համար: 

Ռուբիկ Սարդարյան

Թեհրան 15 Մայիս 2018 թ.

 

Բոլոր զարգացած երկրներում արհմիություններն ու հասարակական ոչ պետական կազմակերպությունները մեծ դերակատարություն ունեն քաղաքացիական հասարակարգի ստեղծման և ժողովրդի շահերը պաշտպանելու և նրանց տեսակետների հետ հաշվի նստելու, երկրի բոլոր ոլորտների քաղաքականությունները մշակելու գործում:
Հաճախ իշխանությունները իրական արհմիություններ չստեղծվելու նպատակով ու իրենց համար գլխացավանք չլինելու համար, իրենք են նախաձեռնում պետպատվերով ստեղծել ձևական արհիմություններ ու իրավունք չտալ ստեղծել իրական արհմիություններ, հատկապես բանվորական կամ աշխատավորների արհմիություններ: Հայաստանը նման երկրների տիպիկ օրինակներից կարելի է համարել, որտեղ իշխանությունները օգտվելով գործազրկությունից ու աղքատությունից՝ բանվորներին աշխատանքից զրկելու պատրվակով վախեցրել են ստեղծել իրենց շահերը պաշտպանող իսկական արհմիություններ:
Նիկոլ Փաշինյանի գլխավորությամբ, հեղափոխությունից ու նրա վարչապետ դառնալուց հետո ապրում ենք նոր ժամանակաշրջանում, որտեղ վստահ փոխվելու է կարգավիճակը և չեն հետապնդվելու այն բանվորները, որոնք ձգտելու են ստեղծել իրենց իրական արհմիությունները: Այս գործում մեծ դերակատարություն պետք է ունենա ավելի ակտիվ և քաղաքականացված բանվորները: Նրանք են, որ պետք է իրենց աշխատանքի վայրերում (արտադրամասեր, սուպերմարկետներ, առևտրական կենտրոններ, կրթական համալիրներ և այլն) խոսեն իրենց գործընկերների հետ ու իրենց շահերը պաշտպանելու նպատակով կարևորեն համախմբվելու և խումբ կազմելու անհրաժեշտության մասին:
Ակտիվ աշխատավորները պետք է լավ ուսումնասիրեն և վերանայման ենթարկեն օրենքով սահմանված արհմիությունների հետ կապված օրենքները: Նոր իշխանությունը նաև հավատարիմ մնալով հեղափոխական լոզունգներին և ժողովրդի կողքին կանգնելու իր համոզմունքին, ամեն կերպ պետք է օժանդակի Ֆրանսիայի օրինակով, հիմք դնել սահմանադրությունում պաշտպանվելու, իրական արհմիությունների ստեղծմանը, գործունեությանը և իրավունք չտալու գործատերերի ուղղակի կամ անուղղակի ճնշումների գործադրմանը: Բոլոր բանվորական կոլեկտիվներում պետք է լավ գիտակցել, որ միայն խմբային ու միասնական ձևով կարելի է պաշտպանել աշխատավորների շահերը: Հույսով մոտ ապագայում ակտիվ բանվորները իրենց կոլեկտիվներում օրակարգ կդարձնեն նման հարցերը և աստիճանաբար մեր երկիրը մյուս զարգացած երկրների նման կունենա հզոր և համախմբված արհմիություններ:


Դոկտ. Ռուբիկ Սարդարյան
Թեհրան 11/05/2018

ԵՐԵՎԱՆ, 12 ՄԱՅԻՍԻ: Եգիպտոսի և ՌԴ-ի արտաքին և պաշտպանական գերատեսչությունների ղեկավարները Մոսկվայում կայանալիք հանդիպմանը «2+2» ձևաչափով կքննարկեն Իրանի շուրջ ստեղծված իրավիճակը: Քննարկման օրակարգում կլինեն նաև երկու երկկողմ հարաբերություններին վերաբերող հարցեր: Այս մասին ասել է Եգիպտոսի արտաքին գերատեսչության պաշտոնական ներկայացուցիչ Ահմեդ Աբու Զեյդան: 

«Մոսկվայում նախատեսված 2+2 ձևաչափով հանդիպումը տեղի կունենա մայիսի 14-ին: Եգիպտոսի և Ռուսաստանի արտաքին գործերի նախարարներ Սամեհ Շուքրին և Սերգեյ Լավրովը կքննարկեն երկկողմ հետաքրքրություն ներկայացնող հարցեր՝ կապված քաղաքական, տնտեսական և այլ ոլորտներին վերաբերող հարցեր»,-ասված է հայտարարության մեջ: Նշվում է, որ կողմերը քննարկելու են տարածաշրջանային խնդիրներ, մասնավորապես, ճգնաժամը Սիրիայում, Լիբիայում, Եմենում, ինչպես նաև Իրանի շուրջ ստեղծված իրավիճակը:

Նշված ձևաչափով հանդիպումը կլինի 4-րդը: Առաջին նման հանդիպումը կայացել է 2013 թվականի նոյեմբերին Կահիրեում:

 

Բաժին՝ Աշխարհում
Էջ 1, 3-ից

ՍՈՑԻԱԼԻԶՄ .AM

 

Հայաստանի Հանրապետություն
ք. Երևան,
(+37410)
E-mail: info@socialism.am

Բոլոր իրավունքները պաշտպանված են: Մեջբերումներ անելիս հղումը socialism.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց socialism.am-ին հղման արգելվում է: Գովազդների բովանդակության և մամուլի տեսության համար կայքը պատասխանատվություն չի կրում: