Քոչարյանը թող մայդաններով չվախեցնի, մենք շատ լավ գիտենք, թե ով ինչի է ընդունակ․ Վահագն Խաչատրյան (տեսանյութ)

02 Օգոստոսի 2020

«Թող մայդաններով մեզ չվախեցնի, Նիկոլ Փաշինյանը խաղաղ թավշյա հեղափոխություն է արել։ Հայ ժողովուրը շատ լավ գիտի, թե ով ինչի է ընդունակ»,- «Ա1+»-ի հետ զրույցում ասաց տնտեսագետ Վահագն Խաչատրյանը՝ անդրադառնալով նախկին նախագահ Ռոբերտ Քոչարյանի երեկվա հայտարարությանը, թե Ուկրաինայում 3 անգամ Մայդանով իշխանություն է փոխվել։

Վ․Խաչատրյանը նաև հավելեց՝  այն մարդիկ, որոնք հույս ունեն մայդան անել , իրենց հետևից մարդ տանել կամ ուժով փորձել իշխանափոխություն անել, պետք է իմանան, որ դա չի կարող լինել։ «Մայդան իրենք շինեցին 2008թ․ մարտի 1-ին»,- հավելեց նա։

Անդրադառնալով նախկին նախագահի այն մեկնաբանություններին, թե ՀՀ կառավարությունը ճիշտ քայլեր չի անում, որ մեղմի կորոնավիրուսի համաճարակի պատճառով ստեղծված տնտեսական ճգնաժամը՝ Վ․Խաչատրյանն ասաց, թե Ռ․Քոչարյանը չի կարող իրականությանը տիրապետել և թող մարդկանց հետ շփվի հասկանալու համար, թե ինչ փոփոխություններ են կատարվել մեր երկրում։ «Քոչարյանն ու իր հաջորդները պետությունը թալանելու և սեփական գրպանները թալանելու նպատակ ունեին։ Նրանք չեն կարող պատկերացնել, որ կա պետական պաշտոնյա, որը կաշառք չի վերցնում, որ կա ղեկավար, որը կաշառք չի վերցնում»,- հավելեց տնտեսագետը։

Ռ․Քոչարյանը երեկ նաև հարց էր բարձրացրել, թե պետական համակարգում տրվող պարգևավճարները կոռուպցիա չե՞ն։ Վ․Խաչատրյանը գտնում է, որ Ն․Փաշինյանն այդ ճանապարհով մարդկանց օրինական և արժանապատիվ վարձատրություն է տալիս, մինչդեռ Ռ․Քոչարյանը ծրարներով էր փող տալիս կամ թույլ տալիս, որ պաշտոնյաները կաշառք վերցնեն։

 

 

Մանրամասները՝  տեսանյութում։

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆԸ

ՍՈՑԻԱԼԻԶՄ .AM

 

Հայաստանի Հանրապետություն
ք. Երևան,
(+37410)
E-mail: info@socialism.am

Բոլոր իրավունքները պաշտպանված են: Մեջբերումներ անելիս հղումը socialism.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց socialism.am-ին հղման արգելվում է: Գովազդների բովանդակության և մամուլի տեսության համար կայքը պատասխանատվություն չի կրում: