2016 թվականի մարտի 1-ից ՀՀ արդարադատության նախարարության Քաղաքացիական կացության ակտերի գրանցման գործակալության կառուցվածքային ստորաբաժանումների, ՔԿԱԳ տարածքային մարմինների և Ազգային վիճակագրական ծառայության միջև տվյալների փոխանակումը կիրականացվի բացառապես էլեկտրոնային եղանակով: ՔԿԱԳ գործակալությունը և ՔԿԱԳ տարածքային բաժիններն Ազգային վիճակագրական ծառայությանը յուրաքանչյուր ամիս հաշվետվություն են ներկայացնում գրանցված ծնունդների, մահերի, ամուսնությունների և ամուսնալուծությունների վերաբերյալ: Հաշվետվությունը ներառում է նաև վերը նշված քաղաքացիական կացության ակտերի մեկ ամբողջական օրինակը: Այսուհետև քաղաքացիական կացության ակտերի միասնական էլեկտրոնային գրանցամատյանում գրառված տեղեկությունները իրական ռեժիմով կտրամադրվեն Ազգային վիճակագրական ծառայությանը՝ վիճակագրության մշակման աշխատանքներն էլեկտրոնային եղանակով և առավել արդյունավետ իրականացնելու նպատակով: Երկու կառույցների միջև տվյալների փոխանակման էլեկտրոնային համակարգի ներդրումը կնպաստի ինչպես քաղաքացիական կացության ոլորտի գրանցումների…

Անդրանիկ զորավար

«Ես իմ վաստակիս գնահատական չեմ փնտրում, այլ ցանկանում եմ, որպեսզի երջանիկ լինի այն ժողովուրդը, որին ծառայում եմ ողջ կյանքում»: Անդրանիկ ***** «…Եթե կուզեն ինձ պատիվ մը անել, ես իմ արձանս չեմ ուզեր, փառավոր թաղում չեմ ուզեր: Թող հայ ժողովուրդը կանգնեցնի ավերակ դարձած Առաքելոց վանքը և այնտեղ փոքրիկ ուսումնարան մը շինե հայ մանուկների համար: Այս է իմ ամբողջ բաղձանքս և բարոյական պահանջս հայ ժողովուրդեն»: Զորավար Անդրանիկի կտակը ****** «...Հա՛յ ժողովուրդ, եթե հավաքական կերպով չպատասխանես այս կոչիս, եթե չգիտակցես այն մահվան սև երազին, որ կը սավառնի մեր բովանդակ հայ ժողովըրդին վրա, եթե դուն հասկացությունը չունենաս ստեղծված ծանր րոպեին, ետ առ ինձմե հորս…
ՀՀ արդարադատության նախարար Արփինե Հովհաննիսյանը փետրվարի 3-ին ընդունել է Հայաստանի Հանրապետությունում Մեծ Բրիտանիայի և Հյուսիսային Իռլանդիայի Միացյալ Թագավորության դեսպան Ջուդիթ Մարգարեթ Ֆարնվրթին: Արփինե Հովհաննիսյանը դեսպանի հետ քննարկել է նախորդ տարվա նոյեմբերին Միացյալ Թագավորություն կատարած աշխատանքային այցի ընթացքում ձեռքբերված պայմանավորվածությունների ու նոր ծրագրերի իրականացման հնարավորությունները: Հանդիպման ընթացքում կողմերն անդրադարձել են նաև Հայաստանում պրոբացիոն ծառայության ներդրմանն ու հակակոռուպցիոն քաղաքականությանը: Նախարարը բարձր է գնահատել այդ ոլորտներում Մեծ Բրիտանիայի փորձն ու ընդգծել ոլորտում բարեփոխումներ իրականացնելու համատեքստում փորձի փոխանակման անհրաժեշտությունը: Դեսպանը շնորհակալություն է հայտնել նախարարին ընդունելության համար և վերահաստատել արդարադատության ոլորտում երկու երկրների միջև համագործակցությունն առավել արդյունավետ դարձնելու պատրաստակամությունը: ՀՀ ԱՆ տեղեկատվության և հասարակայնության հետ…
ՀՀ արդարադատության նախարարության անձնական տվյալների պաշտպանության գործակալությունը և Եվրոպայի խորհուրդը 2016 թվականի հունվարի 29-ին կազմակերպել էին «Անձնական տվյալների պաշտպանությունը և տեղեկատվության ազատությունը» թեմայով աշխատանքային քննարկում՝ նվիրված Անձնական տվյալների պաշտպանության միջազգային օրվան։ Քննարկմանը մասնակցել են ՀՀ արդարադատության նախարար Արփինե Հովհաննիսյանը, Եվրոպայի խորհրդի երևանյան գրասենյակի ղեկավար Նատալյա Վուտովան, ինչպես նաև՝ պետական տարբեր գերատեսչությունների և քաղաքացիական հասարակության ներկայացուցիչներ: Արփինե Հովհաննիսյանը, շնորհավորելով մասնակիցներին անձնական տվյալների պաշտպանության միջազգային օրվա 10-ամյակի կապակցությամբ, նշել է, որ «Անձնական տվյալների պաշտպանության մասին» ՀՀ օրենքով սահմանվել են այնպիսի կարգավորումներ, որոնք պետությանը հնարավորություն կտան ավելի արդյունավետ կերպով իրականացնել աշխատանքներն անձնական տվյալների պաշտպանության ոլորտում: Եվրոպայի խորհրդի երևանյան գրասենյակի ղեկավար Նատալյա Վուտովան իր…

Շնորհավոր տոնդ, հա'յ արի այր

Այսօր Հայոց բանակի տոնն է․․․ Բանակ՝ նշանակում է կայուն պետություն, բանակ՝ նշանակում է ապահով հայրենիք, բանակ՝ նշանակում է հերոս այրերի հպարտ գոյություն, բանակ՝ նշանակում է ապագայի հանդեպ հավատ ու ապահովության զգացում, բանակ՝ նշանակում է ամենօրյա տոն՝ ազգի համար։ Սիրելի հայ այրեր, շնորհավորում ենք բոլորիդ՝ այս հիանալի տոնի առթիվ։ Եղեք անպարտելի, ինչպես որ կա՛ք, եղե՛լ եք։ Միայն հիշե՛ք, որ բանակում ծառայում են ամենա-ամենաուժեղ, ամենա-ամենանվիրյալ, ամենա-ամենանախանձելի ու հոգով արի այրերը։ Վախկոտն ու թույլը բանակում չի հայտնվում։ Մենք հպարտ ենք մեր զինվորներով։ Հա՛յ զինվոր, եղի՛ր արժանի մեր նախնիներին, ովքեր միայն հաղթել են, երբ կռվել են, մերժել են թալանն ու բռնությունը նույնիսկ պարտված թշնամու…

ՀՀ օրենքի նախագծի քննարկում ԱՆ-ում

ՀՀ արդարադատության նախարարի առաջին տեղակալ Արսեն Մկրտչյանը հունվարի 22-ին մասնակցել է «Հայաստանի Հանրապետության քաղաքացիական օրենսգրքում փոփոխություններ և լրացումներ կատարելու մասին» ՀՀ օրենքի նախագծին նվիրված կլոր սեղան-քննարկմանը: Այն կազմակերպվել էր Եվրոպական միության և Եվրոպայի խորհրդի կողմից՝ «Հայաստանի արդարադատության համակարգի անկախության, պրոֆեսիոնալիզմի և հաշվետվողականության ամրապնդման ծրագրի» շրջանակներում: Արսեն Մկրտչյանը շնորհակալություն է հայտնել Եվրոպական միությանն ու Եվրոպայի խորհրդին գործուն աջակցություն ցուցաբերելու համար և հույս հայտնել, որ քննարկման արդյունքները կլինեն գոհացուցիչ՝ նպաստելով ավելի արդյունավետ որոշման կայացմանը: Կարևորելով նախագծի մշակման ընթացքում հանրային քննարկումների դերը և դրանց արդյունքում հնչած առաջարկություններն ու դիտարկումները՝ նախարարի տեղակալն ընդգծել է, որ աշխատանքային խմբում ներգրավվել են փորձագետներ թե՛ պրակտիկ և թե՛…
ԶԼՄ-ների միջոցով ստացանք ՀՀ քաղաքաշինության նախարարության արձագանքը․ «Ն. Սարգսյանը տվյալ շենքի քանդման թույլտվության հետ որևէ առնչություն չունի, ավելին՝ այդ մասին տեղեկացել է ԶԼՄ-ներից: Ինչ վերաբերում է ազգային պատկերասրահի քանդման վերաբերյալ պարբերաբար հնչող «ահազանգերին», բազմիցս ասվել է՝ նման հարց օրակարգում չկա և չի եղել: Դա այդ թեման բարձրացնողների հիվանդ երևակայության արդյունքն է»: Ենթադրենք՝ Ն․ Սարգսյանը մեր մայրաքաղաքում որևէ շենքի քանդման հետ առնչություն չունի և իր գործին վերաբերող իրադարձությունների մասին տեղեկանում է ԶԼՄ-ներից։ Այնուամենայնիվ, դեռևս 2012 թվականին տված հարցազրույցներից մեկում նա հստակ նշել էր, որ Արամի 30 հասցեում գտնվող շենքի տարածքի հաշվին նախատեսվում էր լայնացնել Աբովյան և Արամի փողոցները, սակայն այդ պահին…
«Զվարթնոց» օդանավակայանի հին (պետական) համալիրը ըստ գործառութային նշանակության չօգտագործելը, փոփոխման ենթարկելը և նրա օղակաձև էստակադան ապամոնտաժելը արդյունք է մեր երկրում վարվող ապազգային և հակապետական քաղաքականության։ Այդ քաղաքականության հետևանքով արտաքին աշխարհի հետ սահմանափակ կապ ունեցող Հայաստանի քաղաքացիները արդեն 14 տարի ստիպված են իրենց գրպանից հավելյալ գումարներ վճարել ավիափոխադրումների համար։ ՀՀ կառավարության և օֆշորային ընկերության միջև 2001թ․կնքված՝ պետության շահի տեսակետից կասկածելի գործարքի հետևանքով վերջին տարիներին օդային փոխադրումների ոլորտում մատուցված ծառայություններից ստացված դրամական հոսքերի գերակշիռ մասն ուղղվեց նոր համալիրի կառուցմանը, որը մասնավոր սեփականություն է։ Որպես արդյունք՝ իրար հետևից սնանկացան ազգային փոխադրող ընկերություններ, իսկ Հայրենիքում աշխատանքը կորցրած հայ օդաչուները ստիպված եղան իրենց կյանքը վտանգելով…
Հայաստանի հարգարժան մարդիկ, Երբ հինգ տարի առաջ ստանձնում էի երբևէ ցանկացածս միակ պետական պաշտոնը, փորձեցի հանրությանը ներկայացնել իմ սպասելիքներն ու մղումներն այս տողերով. «Որպես իրավաբան` մարդկանց հավասարությունն օրենքի առաջ ինձ համար միշտ եղել է կարևորագույն սկզբունք: Որպես պրակտիկ մարդ` ես էլ գիտեմ‚ որ սա ամենադժվար իրականացվող նորմերից է: Որպես իրատես` չեմ կասկածում‚ որ այս առաքելությունն իրականացնելիս ավելի հաճախ դառնում են քննադատության թիրախ‚ քան արժանանում հիացմունքի: Բայց որպես լավատես` ես հավատում եմ‚ որ «կաթիլը քար է ծակում»: Իմ բարդ ճանապարհի այս փուլն ավարտելիս ցանկանում եմ հենց այս տրամաբանության մեջ ամփոփել ասելիքս։ Որպես իդեալիստ. այս տարիներին շատ է մաշվել իդեալիզմս, բայց և…

2016-ի դեռ մեկ ամիսը չի լրացել, բայց․․․

2015 թ․ պատմության գիրկն ուղարկեցինք առանց մեծ նվաճումների (բացառությամբ մարզական մի քանի հաղթանակների)՝ չունենալով վառ ու պայծառ հիշողություններ, հակառակը՝ այդ տարեթիվը մուտք գործելուն պես ցեղասպանական գործողության ականատեսը եղանք։ Ամբողջ տարին ամոթով ու վշտով ապրեցինք բոլորս․ ամոթով, քանի որ անզոր էինք մեր խաղաղ ու անկախ երկրում անվտանգ պահել հայ ընտանիքին, դեռ ավելին՝ հասկացանք, որ ով ասես կարող է մտնել հայի տուն, քնած հային սպանել ու անպատիժ հեռանալ։ Ամբողջ մեկ տարվա ընթացքում ո՛չ իրական հանցագործները «հայտնաբերվեցին», ո՛չ էլ սպանության իրական «պատճառները» պարզաբանվեցին։ Դրա փոխարեն հազար ու մի ցնդաբանություններով փորձում էին էլ սատանիզմին որդեգրված զինվորի, էլ հոգեկան անհավասարակշռությամբ տառապող սահմանապահ զինվորի, էլ աղանդավոր…
ՀՀ արդարադատության նախարար Արփինե Հովհաննիսյանը հունվարի 14-ին ընդունել է Արցախի արդարադատության նախարար Արարատ Դանիելյանին: Նախարարները քննարկել են արդարադատության ոլորտում երկկողմ համագործակցության խորացմանն ու զարգացմանն ուղղված մի շարք ծրագրեր: Արփինե Հովհաննիսյանը բարձր է գնահատել երկու կառույցների առկա փոխգործակցությունը և այն ընդլայնելու ու ինտենսիվացնելու պատրաստակամություն հայտնել: Արարատ Դանիելյանը ՀՀ արդարադատության նախարարի հետ քննարկել է փոխգործակցության շրջանակներն ու հետագա անելիքները, հաղորդում է ՀՀ ԱՆ տեղեկատվության և հասարակայնության հետ կապերի վարչությունը։

ՍՈՑԻԱԼԻԶՄ .AM

 

Հայաստանի Հանրապետություն
ք. Երևան,
(+37410)
E-mail: info@socialism.am

Բոլոր իրավունքները պաշտպանված են: Մեջբերումներ անելիս հղումը socialism.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց socialism.am-ին հղման արգելվում է: Գովազդների բովանդակության և մամուլի տեսության համար կայքը պատասխանատվություն չի կրում: