Էլեկտրաէներգիայի սակագնի սուբսիդավորման խնդիրներին երեկ լրագրողների հետ հանդիպման ժամանակ անդրադարձավ Գործատուների միության նախագահ Գագիկ Մակարյանը: Նա նախ իր մտահոգությունները հայտնեց սուբսիդավորման ծավալների և ժամանակի հետ կապված, հետո արդեն փաստեց, որ էներգետիկ ոլորտում մեր երկիրն ունի ինստիտուցիոնալ խնդիրներ, որոնք պետք է լուծվեն պետական մակարդակով։ «Մենք չգիտենք, թե որքան երկար է տևելու սուբսիդավորումը: Մի քանի ամիս հետո արդեն այլ խնդիրների առջև ենք կանգնելու: Ոլորտում առկա է ինստիտուցիոնալ խնդիր: էներգետիկայի նախարարությունը պետք է կարողանա ճիշտ օգտագործել իր արտոնությունները, նա պետք է կարողանա ներազդել գործընթացի վրա, ինչը չի անում: Այսօր մենք ահազանգում ենք այն մասին, որ սուբսիդավորման գործընթացից դուրս է մնացել խոշոր բիզնեսը, սակայն…

Բռնություն Հայաստանի երկնքում

«Էյր Արմենիա» ավիաընկերության համասեփականատերերը հանդես են եկել հայտարարությամբ, որտեղ մտահոգություն են հայտնել ընկերության սեփականատեր Արսեն Ավետիսյանի հանդեպ տեղի ունեցած բռնության կապակցությամբ, երախտագիտություն են հայտնել իշխանությանը զգոնության եւ արագ արձագանքի համար, միաժամանակ մտահոգություն հայտնել, որ ընկերության ներդրումային ծրագրերը հայտնվում են վտանգի տակ, եթե տեղի ունեցածը չստանա օրինական հանգուցալուծում: Ինչպես հայտնի է, «Էյր Արմենիա» ավիաընկերության 51 տոկոսի բաժնետեր Արսեն Ավետիսյանին ծեծել է ֆուտբոլի ֆեդերացիայի նախագահ Ռուբեն Հայրապետյանի թիկնազորը, ինչպես մամուլին ասել են Ավետիսյանն ու նրա հարազատները: Ծեծը եղել է Հայրապետյանի հետ հանդիպումից հետո, մեկ այլ ընկերությանն «Էյր Արմենիայի» ունեցած պարտքի թեմայով: Մամուլը գրել է, որ պարտատերը այն ստանալու «իրավունքը» փոխանցել է Ռուբեն…
Երեկ ՀՀ Կառավարության նիստում դրական եզրակացություն ստացավ Հայաստանի և Ռուսաստանի միջև 2013 թվականի դեկտեմբերի 2-ին ստորագրված «ՀայՌուսԳազարդի» վաճառքի պայմանագիրը և բնական գազի առաքման ժամանակ գների ձևավորման կարգի վերաբերյալ համաձայնագիրը մեկական արձանագրությամբ համալրելու նախագիծը: Առաջինով «Գազպրոմ Արմենիային» տրվեցին նոր արտոնութույններ, իսկ 2-րդով սահմանվեց սահմանին գազի նոր սակագինը: Նոր մենաշնորհներ Պայմանագրով նորանոր մենաշնորհներ է հատկացվում «Գազպրոմ Արմենիային»: Այսպես, համաձայնագրի 1-ին հոդվածով ամրագրվում է, որ «Գազպրոմ Արմենիան» նախապատվություն է ունենալու դեռևս կառուցվող Իրան-Հայաստան և Վրաստան-Հայաստան բարձրավոլտ էլեկտրահաղորդման գծերով դեպի Իրան ու Վրաստան էլեկտրաէներգիա արտահանելու համար: Այլ կերպ ասած, «Գազպրոմ Արմենիային» համաձայնագրով տրվում է Հայաստանից դեպի Իրան և Վրաստան 400կՎ լարմամբ էլեկտրաէներգիայի արտահանման մենաշնորհ…
«Ժողովուրդ» թերթը գրում է. «Վիկիլիքսի» հրապարակած փաստաթղթերից երկուսը, որոնք թվագրված են 2005 թվականով, և հեղինակել է Հայաստանում այդ ժամանակ ԱՄՆ դեսպան Ջոն Էվանսը, ցույց են տալիս, թե որքան անողնաշար են ՀՀ իշխանությունները: Այդ փաստաթղթերը վերաբերում են Հայաստան-Իրան գազատարի կառուցմանը: Դրանից մեկում դեսպանը պատմել է, որ ՀՀ էներգետիկայի նախկին նախարար Արմեն Մովսիսյանն իր հետ զրույցում ասել է, թե ՌԴ-ն ջանք չի խնայում Հայաստանին համոզելու, որ գազատարի տրամաչափը փոքրացվի: Մովսիսյանն ասել է, որ ի սկզբանե գազատարը պիտի լիներ 1000 մմ տրամագծով, սակայն ռուսական կողմը պնդել է 253 մմ-ի տարբերակը, հետագայում համաձայնել են 500 մմ-ին: Մովսիսյանն հայտնել է, թե գազատարը նվազագույնը 720 մմ…
Օգոստոսի 17-ին Ծաղկաձորում վարչապետ Հովիկ Աբրահամյանը, անդրադառնալով «Նաիրիտի» խնդրին, նկատել է, որ հաշվի առնելով «Նաիրիտ» քիմիական գործարանի ներկայիս տեխնիկական վիճակը՝ դրա վերագործարկումը անիմաստ և անարդյունավետ է։ Ըստ էության, ևս մեկ անգամ հաստատելով համաշխարհային բանկի աուդիտի արդյունքները և պնդումները, թե գործարանի վերագործարկումն անիմաստ է: Այնինչ նաիրիտցիները մտադիր են սեպտեմբերից բողոքի ակցիաներ անել գործարանի վերագործարկման պահանջով: Ըստ վարչապետի՝ գործարանի վերագործարկման համար անհրաժեշտ են 350 մլն դոլարի ներդրումներ, ինչը գործնականում նշանակում է նոր գործարանի հիմնում։ Իսկ կառավարությունը դրա հնարավորությունը չունի, սակայն պատրաստ է սառեցնել գործարանի պարտքերն ու ծախսերը, եթե ներդրող հայտնվի: Չեխիայում քաղաքական ապաստան ստացած ՀՌԱԿ-ի նախկին ատենապետ, «Նաիրիտի» հարցով բազմաթիվ ուսումնասիրություններ կատարած…
«Ոտքի՛, Հայաստան» քաղաքացիական շարժման խորհուրդն այսօր հրապարակել է հայտարարություն՝ էլեկտրաէներգիայի բնագավառի կարգավորման և սակագնի վերաբերյալ կառավարության քայլերի մասին։ Ստորև ներկայացնում ենք հայտարարությունը։ «Հայրենակիցներ ՀՀ կառավարությունը օգոստոսի 13-ին էներգետիկայի բնագավառում կարգավորման խորհրդատվական ծառայության մատուցումն իրականացնելու համար որոշել է պայմանագիր կնքել «Դելոյթ և Տուշ ԱՊՀ» փակ բաժնետիրական ընկերության հետ։ Այդ ընկերությունը պատրաստ է 230.000 ԱՄՆ դոլարի դիմաց, 16 շաբաթվա ընթացքում պատասխանել Սերժ Սարգսյանի առաջ քաշած հարցերին․ ինչքանով էր հիմնավորված սակագնի բարձրացումը, և սակագնի չբարձրացման դեպքում ինչպիսի՞ վտանգներ են սպառնում էներգետիկ համակարգին: Մենք գտնում ենք, որ ընտրված այդ խորհրդատվական կազմակերպությունը չի կարող կատարել էլեկտրաէներգիայի սակագնի ձևավորման անաչառ ուսումնասիրություններ, որովհետև չեզոք չէ ՀՀ կառավարության…
Հայաստանի կառավարությունը ստորագրել է հանրապետությունում ռուսական ներկրվող գազի գնի նվազեցման մասին համաձայնագրի արձանագրություն, հաղորդում է ՌԻԱ Նովոստին։ Համաձայնագրի երկկողմանի վավերացումից հետո Հայաստանում ռուսական գազի գինը 1000 խոր/մ-ի համար ներկայում գործող 190 դոլարից կնվազի մինչև 165 դոլար։ «Հայաստանի և Ռուսաստանի միջև արդեն երկու արձանագրություն պատրաստ է ստորագրման։ Առաջին արձանագրությունը սահմանում է 2015 թ․1000 խոր/մ գազի գինը 165 դոլար։ Երկրորդ արձանագրությունը լիազոր մարմիններին հանձնարարում է մինչև նոյեմբերի 1-ը պատրաստել ֆինանսական հաշվարկների մոդել՝ հետագա կիրառման համար», հայտարարել է Հայաստանի էներգետիկայի և բնական ռեսուրսների նախարար Երվանդ Զախարյանը։
«Մեծ քսանի» խմբի երկրների տնտեսական թափը մոտակա հինգ տարվա ընթացքում չի հասնի բարձրակետին, որը նախորդել էր 2008 թ․ ճգնաժամին, հայտնում է Moody’s միջազգային վարկանիշային գործակալությունը։ Մինչև 2019 թ․ վերջը G20 –ի տարեկան տնտեսական աճը միջինը կկազմի 3%, ինչը 0,5%-ով քիչ է 2007 թ․ նախորդած տասնամյակի ցուցանիշներից։ 2015 թ․ համար գործակալությունը G20 –ի երկրների զարգացման նույն՝ 2,7% ցուցանիշն է թողել։ Մյուս տարի սպասվում է 2,8% աճ։ Այդ երկրների տնտեսությունների զարգացման բացասական գործոնների թվում նշվում է արտադրության դանդաղ աճը, Չինաստանում աճի տեմպերի նվազումը և եվրոյի գոտուց Հունաստանի դուրս գալու ռիսկերը, ինչպես նաև ժողովրդագրական անբարենպաստ միտումները։ ԱՄՆ-ի և ավելի քիչ եվրագոտու ու Ճապոնիայի…
Հայաստանի Հանրային ծառայությունները կարգավորող հանձնաժողովում (ՀԾԿՀ) խորհրդակցություններ են սկսվել՝ ուսումնասիրելու համար էլեկտրաէներգիայի նոր սակագնի հիմնավորման առկայության հարցը: «Այսօր այդ հարցը քննարկել ենք հանրապետության նախագահի հետ: Օրենքը մեզ թույլ չի տալիս Հանձնաժողովում աուդիտ անցկացնել: Բայց մեզ համար կարևոր է էլեկտրաէներգիայի սակագնի հարցը: Մենք պետք է հիմնավորում ունենանք: Կարծում եմ՝ 2-3 ամսվա ընթացքում կավարտենք խորհրդակցությունները, ինչից հետո նախագահի հետ կքննարկենք հարցը և կառավարության մոտեցումը կներկայացնենք հանրությանը»,- ասել է Հովիկ Աբրահամյանը օգոստոսի 17-ին «Բազե 2015» համահայկական երիտասարդական հավաքի բացման ժամանակ: Վարչապետի խոսքով, կառավարությունը հետևողական է լինելու այդ հարցում և փորձելու է օգնել քաղաքացիներին, այնպես անել, որպեսզի լրացուցիչ բեռ չավելանա նպաստ ստացող ընտանիքների համար:…
Այսօր «Ոտքի՛, Հայաստան» քաղաքացիական շարժումը համախմբման հայտարարություն է ուղղել բոլոր ընդդիմադիրներին։ Ստորև ներկայացնում ենք հայտարարությունը։ «Ոտքի՛, Հայաստան» քաղաքացիական շարժման հայտարարությունը՝ ուղղված ընդդիմադիր ուժերին Էներգետիկ ոլորտում ճչացող չարաշահումների բացահայտումները փողոց դուրս բերեցին հազարավոր մարդկանց։ Բաղրամյան պողոտան շրջափակած երիտասարդության մի մասը թեպետ փորձում էր բողոքի ակցիան պահել առաջ քաշած սոցիալական պահանջների շրջանակում, սակայն այդ օրերին կրկին վեր հառնվեց իշխանափոխության ուրվականը։ Այդ հանգամանքը պատճառ դարձավ, որ Բաղրամյան պողոտայից հետո սկսեց ձևավորվել նոր քաղաքացիական շարժում՝ հանուն մեր երկրում արմատական բարեփոխումների։ Մենք ուզում ենք, որ Հայաստանում․ – իշխանությունը մաքրվի հանցագործներից, – թալանածը վերադարձվի ժողովրդին, – երկրում հաստատվի արդարադատություն, – Հայաստանի Հանրապետությունում բացառվի քաղբանտարկյալ, հասկացությունը և…
Կառավարության այսօրվա նիստում առողջապահության նախարար Արմեն Մուրադյանը կառավարությունից խնդրել է թույլատրել նախարարությանն օգտագործելու նախարարության արտաբյուջետային հաշվից 1 միլիարդ դրամ՝ Հայաստանում պետպատվերով սրտի անհետաձգելի վիրահատության ծրագրի համար: Այս որոշման ընդունման անհրաժեշտությունը բխում է զինծառայողների, նրանց հավասարեցված անձանց և նրանց ընտանիքների անդամների, ինչպես նաև սրտի անհետաձգելի վիրահատությունների ծրագրի շահառուների համար պետության կողմից երաշխավորված անվճար բժշկական օգնության և սպասարկման գործընթացը որակյալ կազմակերպելու և նշված խմբերին մատուցված ծառայությունները լիարժեք ֆինանսավորելու կարևորությունից, նշել է նախարարը: Սրտի անհետաձգելի վիրահատության ծրագիրը նպատակ ունի կրճատելու սիրտ-անոթային հիվանդություններից մահացության ցուցանիշը: Ծրագրի շրջանակներում դիմող անձանց կյանքի ցուցումներով իրականացվում է մեկ ոչ դեղապատ ստենտի տեղադրում` սրտամկանի սուր ինֆարկտի պայմաններում: Ծրագրի շրջանակներում…
Էջ 7, 8-ից

ՍՈՑԻԱԼԻԶՄ .AM

 

Հայաստանի Հանրապետություն
ք. Երևան,
(+37410)
E-mail: info@socialism.am

Բոլոր իրավունքները պաշտպանված են: Մեջբերումներ անելիս հղումը socialism.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց socialism.am-ին հղման արգելվում է: Գովազդների բովանդակության և մամուլի տեսության համար կայքը պատասխանատվություն չի կրում: